ನೆದರ್ಲೆಂಡ್‌: ಸಮ್ಮಿಶ್ರ ಸರ್ಕಾರ ಪತನ

ದಿ ಹೇಗ್‌ (ನೆದರ್ಲೆಂಡ್‌): ವಲಸೆ ವಿಚಾರವಾಗಿ ಆರಂಭವಾದ ಸಂಘರ್ಷದಿಂದ ಸಮ್ಮಿಶ್ರ ಸರ್ಕಾರ ಪತನವಾದ ಬೆನ್ನಲ್ಲೇ ನೆದರ್ಲೆಂಡ್‌ ಪ್ರಧಾನಿ ಮಾರ್ಕ್‌ ರುಟ್ಟೆ ಅವರು ರಾಜ ವಿಲಿಯಂ ಅಲೆಕ್ಸಾಂಡರ್‌ ಅವರೊಂದಿಗೆ ಶನಿವಾರ ಮಾತುಕತೆ ನಡೆಸಿದರು.

ಸರ್ಕಾರ ಪತನಗೊಂಡ ವೇಳೆ ಅಲೆಕ್ಸಾಂಡರ್‌ ಹೊರ ದೇಶದಲ್ಲಿದ್ದರು. ಅಲ್ಲಿಂದ ವಾಪಸ್ ಬಂದ ರುಟ್ಟೆ ಅವರನ್ನು ಅರಮನೆಯಲ್ಲಿ ಭೇಟಿಯಾದರು.

ಬಳಿಕ ಸುದ್ದಿಗಾರರೊಂದಿಗೆ ಮಾತನಾಡಿದ ರುಟ್ಟೆ, ‘ಇದೊಂದು ಒಳ್ಳೆಯ ಚರ್ಚೆಯಾಗಿತ್ತು. ಗೋಪ್ಯ ಚರ್ಚೆಯಾದ ಕಾರಣ ಹೆಚ್ಚೇನೂ ಹೇಳಲಾರೆ’ ಎಂದರು.  ರುಟ್ಟೆ 2010ರಿಂದ ದೇಶದ ಪ್ರಧಾನಿಯಾಗಿದ್ದಾರೆ.