Video- ಮಾವುತನ ಕೂರಿಸಿಕೊಂಡು ಗಂಗಾ ನದಿಯಲ್ಲಿ 3 ಕಿಲೋಮೀಟರ್ ಸ್ವಿಮ್ ಮಾಡಿದ ಆನೆ!

ಪಾಟ್ನಾ: ಮಾವುತನನ್ನು ಕೂರಿಸಿಕೊಂಡು ಆನೆಯೊಂದು ತುಂಬಿದ ಗಂಗಾ ನದಿಯಲ್ಲಿ ಬರೋಬ್ಬರಿ 3 ಕಿಲೋಮಿಟರ್ ಈಜಿರುವ ಘಟನೆ ಬಿಹಾರದಲ್ಲಿ ನಡೆದಿದೆ.

ಘಟನೆಗೆ ಸಂಬಂಧಿಸಿದ ವಿಡಿಯೊ ಒಂದು ವೈರಲ್ ಆಗಿದೆ. ಈ ವಿಡಿಯೊವನ್ನು ಪತ್ರಕರ್ತ ಉತ್ಕರ್ಷ ಸಿಂಗ್ ಎನ್ನುವವರು ಟ್ವಿಟರ್‌ನಲ್ಲಿ ಹಂಚಿಕೊಂಡಿದ್ದು ಗಮನ ಸೆಳೆದಿದೆ.

ಆನೆಯೊಂದು ಬಿಹಾರದ ರಾಘವಪುರ ಪ್ರದೇಶದಿಂದಪಟ್ನಾದವರೆಗೆ ಗಂಗಾ ನದಿಯಲ್ಲಿ ಮಾವುತನನ್ನು ಕೂರಿಸಿಕೊಂಡುಮೂರು ಕಿಲೋಮಿಟರ್ ಈಜಿಕೊಂಡು ದಡ ಸೇರಿದೆ ಎಂದು ಮಾಹಿತಿ ನೀಡಿದ್ದಾರೆ.

ಆನೆಗಳು ಸಹಜವಾಗಿ ಆಳ ನೀರಿಗೆ ಹೋಗುವುದಿಲ್ಲ. ಒಂದು ವೇಳೆ ಹೋದರೂ ಯಶಸ್ವಿಯಾಗಿ ಈಜಲು ಸಮರ್ಥವಾಗಿರುತ್ತವೆ. ಆದರೆ ದೂರದವರೆಗೆ ಈಜುವುದೂ ತುಂಬಾ ವಿರಳ.