ನವದೆಹಲಿ: ರಾಷ್ಟ್ರೀಯ ಹೆದ್ದಾರಿಗಳ ಟೋಲ್ ಕೇಂದ್ರಗಳಲ್ಲಿ ಫಾಸ್ಟ್ಯಾಗ್ ಲೇನ್ ಮೂಲಕ ಸಂಚರಿಸುವ ‘ಟ್ಯಾಗ್ ರಹಿತ’ ವಾಹನಗಳಿಗೆ ಡಿಸೆಂಬರ್ 1ರಿಂದ ದುಪ್ಪಟ್ಟು ಶುಲ್ಕ (ರಸ್ತೆ ಬಳಕೆ ಸುಂಕ) ವಿಧಿಸಲಾಗುವುದು ಎಂದು ಕೇಂದ್ರ ಸಚಿವ ನಿತಿನ್ ಗಡ್ಕರಿ ಗುರುವಾರ ಹೇಳಿದ್ದಾರೆ.
ಎಲ್ಲ ಟೋಲ್ ಕೇಂದ್ರಗಳಲ್ಲಿ ಫಾಸ್ಟ್ಯಾಗ್ ಮೂಲಕವೇ ರಸ್ತೆ ಬಳಕೆ ಸುಂಕ ಸಂಗ್ರಹಿಸಲಾಗುತ್ತದೆ. ಆದರೆ ಒಂದು ಲೇನ್ನಲ್ಲಿ ಮಾತ್ರ ಫ್ಯಾಸ್ಟ್ಯಾಗ್ ರಹಿತ ವಾಹನಗಳು ಸಾಮಾನ್ಯ ಶುಲ್ಕ ಪಾವತಿಸಿ ಸಂಚರಿಸಲು ಅವಕಾಶವಿದೆ.
ವಿದ್ಯುನ್ಮಾನ ಟೋಲ್ ಸಂಗ್ರಹಕ್ಕೆ ಎಲ್ಲ ಟೋಲ್ ಕೇಂದ್ರಗಳನ್ನು ಶೇ 100ರಷ್ಟು ಅಣಿಗೊಳಿಸಲಾಗಿದೆ. ಸಮಯ ವ್ಯರ್ಥ ಮಾಡದೇ, ವಾಹನಗಳ ಸುಗಮ ಸಂಚಾರಕ್ಕೆ ದೇಶದಾದ್ಯಂತ ಈ ವ್ಯವಸ್ಥೆ ಜಾರಿಗೊಳಿಸಲಾಗುತ್ತಿದೆ. ಎಲ್ಲ ಟೋಲ್ ಕೇಂದ್ರಗಳಲ್ಲಿ ‘ಟ್ಯಾಗ್’ ಸಿಗಲಿವೆ. ಆಯ್ದ 22 ಬ್ಯಾಂಕ್ಗಳು ಹಾಗೂ ಆನ್ಲೈನ್ ಮೂಲಕವೂ ಟ್ಯಾಗ್ ಖರೀದಿಸಬಹುದು. ವಾಹನದ ಮುಂಭಾಗದ ಗಾಜಿನ ಮೇಲೆ ಟ್ಯಾಗ್ ಅಳವಡಿಸಬೇಕು.
ಅಂಕಿ–ಅಂಶ
* ರಾಷ್ಟ್ರೀಯ ಹೆದ್ದಾರಿಗಳಲ್ಲಿರುವ ಟೋಲ್ ಕೇಂದ್ರಗಳ ಸಂಖ್ಯೆ
* ಮುಂದಿನ 5 ವರ್ಷಗಳಲ್ಲಿ ಇಲಾಖೆ ನಿರೀಕ್ಷಿಸಿರುವ ಆದಾಯ₹1 ಲಕ್ಷ ಕೋಟಿ
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.