ಉತ್ತರ ಪ್ರದೇಶ| ಅಜ್ಮೀರ್‌ ರೈಲಿನಲ್ಲಿ ಬೆಂಕಿ: ಹಾನಿ ಇಲ್ಲ

ಕೌಶಾಂಬಿ, ಸಿಯಾಲ್ದಾ–ಅಜ್ಮೀರ್‌ ಎಕ್ಸ್‌ಪ್ರೆಸ್‌ ರೈಲಿನ ಜನರಲ್‌ ಬೋಗಿಯಲ್ಲಿ ಶಾರ್ಟ್‌ ಸರ್ಕಿಟ್‌ನಿಂದಾಗಿ ಬೆಂಕಿ ಕಾಣಿಸಿಕೊಂಡಿದ್ದು, ಪ್ರಯಾಣಿಕರಲ್ಲಿ ಕೆಲ ಕಾಲ ಆತಂಕಕ್ಕೆ ಕಾರಣವಾಗಿತ್ತು. ಅದೃಷ್ಟವಶಾತ್‌ ಘಟನೆಯಲ್ಲಿ ಯಾರಿಗೂ ಯಾವುದೇ ಹಾನಿಯಾಗಿಲ್ಲ.

‘ಮಂಗಳವಾರ ಮಧ್ಯಾಹ್ನ 1.20ರ ಸುಮಾರಿಗೆ ರೈಲಿನ ಹಿಂಭಾಗದ ಮೂರನೇ ಬೋಗಿಯಲ್ಲಿ ಬೆಂಕಿ ಕಾಣಿಸಿಕೊಂಡಿತ್ತು. ಕೂಡಲೇ ಕೆಲ ಪ್ರಯಾಣಿಕರು ಚೈನ್‌ ಎಳೆದು ರೈಲು ನಿಲ್ಲಿಸಿದರು. ನಂತರ ಪ್ರಯಾಣಿಕರನ್ನು ಬೇರೆಡೆಗೆ ಸ್ಥಳಾಂತರಿಸಲಾಯಿತು, ಇನ್ನೂ ಕೆಲವರು ಕಿಟಕಿಗಳ ಮೂಲಕ ರೈಲಿನಿಂದ ಹೊರಗೆ ಹಾರಿದರು’ ಎಂದು ಅಧಿಕಾರಿಗಳು ತಿಳಿಸಿದರು.

‘30 ನಿಮಿಷಗಳಲ್ಲಿ ಬೆಂಕಿ ಆರಿಸಲಾಯಿತು’ ಎಂದು ಬಾರ್‌ವಾರಿ ರೈಲು ನಿಲ್ದಾಣದ ಅಧಿಕಾರಿ ಡಿ.ಎನ್.ಯಾದವ್‌ ತಿಳಿಸಿದರು.