ದೆಹಲಿ ಹೈಕೋರ್ಟ್: ಸೆ.1ರಿಂದ ಎಂದಿನಂತೆ ಕಲಾಪ

ನವದೆಹಲಿ: ದೆಹಲಿ ಹೈಕೋರ್ಟ್‌ನ ಐದು ಪೀಠಗಳು ಸೆಪ್ಟೆಂಬರ್‌ 1 ರಿಂದ ಪಾಳಿ ಆಧಾರದಲ್ಲಿ ಎಂದಿನಂತೆ ಕಲಾಪ ನಡೆಸಲಿವೆ.ಈ ಸಂಬಂಧ, ಮಾರ್ಗದರ್ಶಿ ಸೂತ್ರಗಳನ್ನು (ಎಸ್‌ಒಪಿ) ಹೊರಡಿಸಲಾಗಿದೆ.ಉಳಿದ ಪೀಠಗಳುವಿಡಿಯೊ ಕಾನ್ಫರೆನ್ಸ್ ಮೂಲಕವೇ ವಿಚಾರಣೆ ನಡೆಸಲಿವೆ.

ವಿಚಾರಣೆಗೆ ಹಾಜರಾಗುವವರ ಪ್ರವೇಶ ಸೇರಿದಂತೆ ಹಲವು ನಿರ್ಬಂಧ ವಿಧಿಸಲಾಗಿದೆ. ಕಕ್ಷಿದಾರರ ಪರ ಒಬ್ಬ ವಕೀಲರಿಗಷ್ಟೇ ಪ್ರವೇಶ ಇರುತ್ತದೆ ಎಂದು ಎಸ್‌ಒಪಿಯಲ್ಲಿ ತಿಳಿಸಲಾಗಿದೆ.ಕೋವಿಡ್-19 ಪರಿಸ್ಥಿತಿಯಿಂದಾಗಿ ಹೈಕೋರ್ಟ್‌ ಮಾರ್ಚ್ 24ರಿಂದಲೂ ವಿಡಿಯೊ ಕಾನ್ಫರೆನ್ಸ್ ಮೂಲಕ ಕಲಾಪ ನಡೆಸುತ್ತಿದೆ.