ಗಗನಯಾನಿಗಳಿಗೆ ರಷ್ಯಾದಲ್ಲಿ ತರಬೇತಿ:ಕೇಂದ್ರ ಸಚಿವ ಜಿತೇಂದ್ರ ಸಿಂಗ್‌

ನವದೆಹಲಿ : ಇಸ್ರೊ ಹಮ್ಮಿಕೊಂಡಿರುವ ‘ಗಗನಯಾನ ಯೋಜನೆ’ಗೆ ಆಯ್ಕೆಯಾಗಿರುವ ನಾಲ್ವರು ಗಗನಯಾನಿಗಳು ರಷ್ಯಾದಲ್ಲಿ 11 ತಿಂಗಳ ತರಬೇತಿ ಪಡೆಯಲಿದ್ದಾರೆ ಎಂದು ಕೇಂದ್ರ ಸಚಿವ ಜಿತೇಂದ್ರ ಸಿಂಗ್‌ ಹೇಳಿದ್ದಾರೆ.

‌‌‘ಜನವರಿ ಮೂರನೇ ವಾರದಿಂದ ತರಬೇತಿ ಆರಂಭವಾಗಲಿದೆ. ನಂತರ ಭಾರತದಲ್ಲೂ ಗಗನಯಾನಿಗಳ ತಂಡಕ್ಕೆ ನಿರ್ದಿಷ್ಟ ತರಬೇತಿ ನೀಡಲಾಗುತ್ತದೆ’ ಎಂದು ಅಣುಶಕ್ತಿ ಮತ್ತು ಬಾಹ್ಯಾಕಾಶ ಸಚಿವಾಲಯ ಹೇಳಿಕೆಯಲ್ಲಿ ತಿಳಿಸಿದೆ.‌

2022ರಗಗನಯಾನ ಯೋಜನೆಯು ಇಸ್ರೊದ ಮಾನವಸಹಿತ ಬಾಹ್ಯಾಕಾಶ ಯೋಜನೆಯಾಗಿದೆ. ಜಿಎಸ್‌ಎಲ್‌ವಿ ಮಾರ್ಕ್‌–3 ಉಡಾವಣಾ ವಾಹನವು ಯಾನಿಗಳನ್ನು ಹೊತ್ತೊಯ್ಯಲಿದೆ. ಯೋಜನೆಗೆ ₹ 10,000 ಕೋಟಿ ಖರ್ಚಾಗಲಿದೆ.