ಮೇ 3ರಿಂದ ಗಂಗೋತ್ರಿ ದರ್ಶನ

ಉತ್ತರಕಾಶಿ, ಉತ್ತರಾಖಂಡ: ಹಿಮಾಲಯದ ತಟದಲ್ಲಿರುವ ಪ್ರಸಿದ್ಧ ಗಂಗೋತ್ರಿ ದೇವಾಲಯವನ್ನು ಅಕ್ಷಯ ತೃತೀಯದಂದು, ಅಂದರೆ ಮೇ 3 ರಂದು ತೆರೆಯಲಾಗುವುದು ಎಂದು ದೇವಾಲಯ ಸಮಿತಿ ಭಾನುವಾರ ತಿಳಿಸಿದೆ.

ಬೆಳಿಗ್ಗೆ 11.15 ಕ್ಕೆ ದೇವಸ್ಥಾನದ ಬಾಗಿಲು ತೆರೆಯಲಾಗುವುದು. ಮುಂದಿನ ಆರು ತಿಂಗಳಗಳವರೆಗೆ ದೇವಾಲಯದಲ್ಲಿ ದರ್ಶನಕ್ಕೆ ಭಕ್ತರಿಗೆ ಅವಕಾಶವಿರಲಿದೆ ಎಂದು ಗಂಗೋತ್ರಿ ದೇವಸ್ಥಾನ ಸಮಿತಿಯ ಕಾರ್ಯದರ್ಶಿ ಸುರೇಶ್ ಸೆಮ್ವಾಲ್ ತಿಳಿಸಿದ್ದಾರೆ.