ಎಲ್‌ಇಟಿ ಹೈಬ್ರಿಡ್‌ ಉಗ್ರನ ಬಂಧನ

ಶ್ರೀನಗರ: ಉತ್ತರ ಕಾಶ್ಮೀರದ ಬಾರಾಮುಲ್ಲ ಜಿಲ್ಲೆಯಲ್ಲಿ ಸೋಮವಾರ ಲಷ್ಕರ್‌–ಎ–ತೈಯಬಾ(ಎಲ್‌ಇಟಿ) ಹೈಬ್ರಿಡ್‌ ಉಗ್ರನನ್ನು ಜಮ್ಮು–ಕಾಶ್ಮೀರ ಪೊಲೀಸರು ಬಂಧಿಸಿದ್ದಾರೆ.

ಬಾರಾಮುಲ್ಲಾದ ಡೆಲಿನಾ ಘಾಟ್ ನಿವಾಸಿ ತೌಹೀದ್ ಅಹ್ಮದ್ ಹರೂನ್ ಬಂಧಿತ ಆರೋಪಿ.

‘ಜಮ್ಮು–ಕಾಶ್ಮೀರ ಪೊಲೀಸ್‌, ಭಾರತೀಯ ಸೇನೆ ಹಾಗೂ ಸಿಆರ್‌ಪಿಎಫ್‌ ಸಿಬ್ಬಂದಿ ಬಾರಾಮುಲ್ಲದ ಜುಹಾಮಾ ಬಳಿ ತಪಾಸಣೆ ನಡೆಸುತ್ತಿದ್ದ ವೇಳೆ ಅನುಮಾನಾಸ್ಪದ ಚಲನವಲನ ಹೊಂದಿದ್ದ ವ್ಯಕ್ತಿಯನ್ನು ಭದ್ರತಾ ಪಡೆ ಸಿಬ್ಬಂದಿ ಬಂಧಿಸಿದ್ದು, ಬಂಧಿತನಿಂದ ಪಿಸ್ತೂಲ್, ಪಿಸ್ತೂಲ್ ಮ್ಯಾಗಜೀನ್, 9 ಎಂಎಂ ಪಿಸ್ತೂಲಿನ 9 ಜೀವಂತ ಗುಂಡುಗಳನ್ನು ವಶಪಡಿಸಿಕೊಳ್ಳಲಾಗಿದೆ’ ಎಂದು ಪೊಲೀಸ್‌ ವಕ್ತಾರರರು ತಿಳಿಸಿದರು.