ಹೈದರಾಬಾದ್‌ಗೆ ‘2020ರ ಜಗತ್ತಿನ ಗಿಡಗಳ ನಗರ’ದ ಮಾನ್ಯತೆ

ಹೈದರಾಬಾದ್‌: ವಿಶ್ವಸಂಸ್ಥೆಯ ಆಹಾರ ಮತ್ತು ಕೃಷಿ ಸಂಸ್ಥೆ (ಎಫ್‌ಎಒ) ಮತ್ತು ಅರ್ಬೋರ್‌ ಡೇ ಫೌಂಡೇಷನ್‌ ಹೈದರಾಬಾದ್‌ ನಗರಕ್ಕೆ ‘2020ರ ಜಗತ್ತಿನ ಗಿಡಗಳ ನಗರ’ ಎಂದು ಮಾನ್ಯತೆ ನೀಡಿವೆ.

ನಗರ ಅರಣ್ಯೀಕರಣಕ್ಕೆ ಹೆಚ್ಚಿನ ಆದ್ಯತೆ ನೀಡಿ ಬೆಳೆಸುತ್ತಿರುವುದಕ್ಕೆ ಈ ಮಾನ್ಯತೆ ನೀಡಲಾಗಿದೆ. ದೇಶದಲ್ಲಿಯೇ ಹೈದರಾಬಾದ್‌ ನಗರಕ್ಕೆ ಮಾತ್ರ ಈ ಗೌರವ ದೊರೆತಿದೆ.

ಅಮೆರಿಕ, ಬ್ರಿಟನ್‌, ಕೆನಡಾ, ಆಸ್ಟ್ರೇಲಿಯಾ ಸೇರಿದಂತೆ ಜಗತ್ತಿನ ವಿವಿಧ ರಾಷ್ಟ್ರಗಳ 51 ನಗರಗಳ ಜತೆ ಹೈದರಾಬಾದ್‌ಗೆ ಈ ಮಾನ್ಯತೆ ನೀಡಲಾಗಿದೆ.