ಮುಂಬೈ: ಐಐಟಿ–ಬಿ ವಿದ್ಯಾರ್ಥಿ ಆತ್ಮಹತ್ಯೆ

ಮುಂಬೈ: ಇಲ್ಲಿನ ಭಾರತೀಯ ತಂತ್ರಜ್ಞಾನ ಸಂಸ್ಥೆ– ಬಾಂಬೆಯ (ಐಐಟಿ–ಬಿ) ಮೆಟಲರ್ಜಿಕಲ್‌ ಎಂಜಿನಿಯರಿಂಗ್‌ ಮತ್ತು ಮೆಟೀರಿಯಲ್ಸ್‌ ಸೈನ್ಸ್‌ನ ನಾಲ್ಕನೇ ವರ್ಷದ ವಿದ್ಯಾರ್ಥಿ ರೋಹಿತ್‌ ಸಿನ್ಹಾ (22) ಶನಿವಾರ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ.

ಹಾಸ್ಟೆಲ್‌ನ ಕಟ್ಟಡದ ಚಾವಣಿಯಿಂದ ಜಿಗಿದ ರೋಹಿತ್‌ ಅವರನ್ನು ಹೀರಾನಂದಿನಿ ಆಸ್ಪತ್ರೆಗೆ ದಾಖಲಿಸುವ ಮಾರ್ಗಮಧ್ಯೆ ಅಸುನೀಗಿದ್ದಾರೆ ಎಂದು ಪೊವೈ ಠಾಣೆ ಪೊಲೀಸರು ತಿಳಿಸಿದ್ದಾರೆ.

‘ಐಐಟಿ–ಬಿ’ನಲ್ಲಿ ಇತ್ತೀಚಿನ ವರ್ಷಗಳಲ್ಲಿ ವರದಿಯಾದ ಆತ್ಮಹತ್ಯೆಯ ಎರಡನೇ ಘಟನೆಯಿದು. 2023ರ ಫೆ.12ರಂದು ದರ್ಶನ್‌ ಸೋಲಂಕಿ (18) ಹಾಸ್ಟೆಲ್‌ನ 7ನೇ ಮಹಡಿಯಿಂದ ಜಿಗಿದು ಆತ್ಮಹತ್ಯೆ ಮಾಡಿಕೊಂಡಿದ್ದರು.