Covid India Update| 24 ಗಂಟೆಯಲ್ಲಿ 2,483 ಪ್ರಕರಣ ಪತ್ತೆ: 1,399 ಮಂದಿ ಸಾವು

ನವದೆಹಲಿ: ಕಳೆದ 24 ಗಂಟೆಗಳಲ್ಲಿ ಭಾರತದಲ್ಲಿ 2,483 ಹೊಸ ಕೋವಿಡ್ ಪ್ರಕರಣಗಳು ವರದಿಯಾಗಿವೆ. ಸೋಮವಾರಕ್ಕೆ ಹೋಲಿಸಿಕೊಂಡರೆ ಮಂಗಳವಾರ ಪ್ರಕರಣಗಳಲ್ಲಿ ಅಲ್ಪ ಇಳಿಕೆಯಾಗಿದೆ ಎಂದು ಕೇಂದ್ರ ಆರೋಗ್ಯ ಸಚಿವಾಲಯ ತಿಳಿಸಿದೆ.

ಸೋಮವಾರ 2,541 ಪ್ರಕರಣಗಳು ಪತ್ತೆಯಾಗಿದ್ದವು.

ಆದರೆ, ಒಂದು ದಿನದ ಅವಧಿಯಲ್ಲಿ ಏಕಾಏಕಿ1,399 ಸಾವುಗಳು ವರದಿಯಾಗಿವೆ.ಈ ಪೈಕಿ ಅಸ್ಸಾಂನಲ್ಲೇ 1,347 ಸಾವುಗಳು ಪತ್ತೆಯಾಗಿವೆಎಂದು ಸಚಿವಾಲಯ ತಿಳಿಸಿದೆ. ಹಲವು ದಿನಗಳಿಂದ ನಮೂದಿಸದ ಸಾವಿನ ಸಂಖ್ಯೆಯನ್ನು ಒಂದೇ ಬಾರಿಗೆಸೇರಿಸಿಅಸ್ಸಾಂ ಸೋಮವಾರ ಬುಲೆಟಿನ್‌ ಬಿಡುಗಡೆ ಮಾಡಿತ್ತು. ಹೀಗಾಗಿ, ಮರಣ ಸಂಖ್ಯೆ ದಿಢೀರ್‌ ಏರಿದೆ. ಇದರೊಂದಿಗೆದೇಶದಾದ್ಯಂತ ಈ ವರೆಗೆ ಕೋವಿಡ್‌ನಿಂದಾಗಿ ಮೃತಪಟ್ಟವರ ಸಂಖ್ಯೆ 5,23,622ಕ್ಕೆ ಏರಿದೆ.

ಇನ್ನು ದೇಶದ ಸಕ್ರಿಯ ಪ್ರಕರಣಗಳು 15,636ಕ್ಕೆ ಇಳಿದಿವೆ. 24 ಗಂಟೆಗಳಲ್ಲಿ 1,970 ರೋಗಿಗಳು ಚೇತರಿಸಿಕೊಂಡಿದ್ದಾರೆ. ಈ ವರೆಗೆ ಕೋವಿಡ್‌ನಿಂದ 4,25,23,311 ಮಂದಿ ಚೇತರಿಸಿಕೊಂಡಿದ್ದಾರೆ. ದೈನಂದಿನ ಪಾಸಿಟಿವಿಟಿ ದರವು ಶೇ 00.55ರಷ್ಟಿದೆ.