ಭಾರತದಲ್ಲಿ 699 ಹೊಸ ಕೋವಿಡ್ ಪ್ರಕರಣ, 2 ಸಾವು: ಸಕ್ರಿಯ ಪ್ರಕರಣ ಸಂಖ್ಯೆ ಏರಿಕೆ

ನವದೆಹಲಿ: ಭಾರತದಲ್ಲಿ ಕಳೆದ 24 ಗಂಟೆಗಳಲ್ಲಿ 699 ಹೊಸ ಕೋವಿಡ್ ಪ್ರಕರಣಗಳು ಮತ್ತು ಎರಡು ಸಾವುಗಳು ವರದಿಯಾಗಿವೆ ಎಂದು ಕೇಂದ್ರ ಆರೋಗ್ಯ ಸಚಿವಾಲಯ ಮಂಗಳವಾರ ತಿಳಿಸಿದೆ.

ದೇಶದ ಒಟ್ಟು ಸಕ್ರಿಯ ಪ್ರಕರಣಗಳು ಪ್ರಸ್ತುತ 6,559. ಇದು ಒಟ್ಟು ಪ್ರಕರಣಗಳ ಶೇ 0.01 ರಷ್ಟಾಗಿದೆ.

ಎರಡು ಸಾವುಗಳೊಂದಿಗೆ, ಒಟ್ಟಾರೆ ಕೋವಿಡ್ -19 ಸಾವಿನ ಸಂಖ್ಯೆ 5,30,808 ಕ್ಕೆ ಏರಿದೆ.

ಕಳೆದ 24 ಗಂಟೆಗಳಲ್ಲಿ 435 ರೋಗಿಗಳು ಚೇತರಿಸಿಕೊಂಡಿದ್ದು, ಚೇತರಿಸಿಕೊಂಡವರ ಸಂಖ್ಯೆ ಒಟ್ಟು 4,41,59,617 ಕ್ಕೆ ತಲುಪಿದೆ. ಚೇತರಿಕೆಯ ಪ್ರಮಾಣವು ಶೇ 98.79 ರಷ್ಟಾಗಿದೆ.

ದೇಶದಾದ್ಯಂತ ಒಟ್ಟು 97,866 ಕೋವಿಡ್‌ ಪರೀಕ್ಷೆಗಳನ್ನು ನಡೆಸಲಾಗಿದ್ದು, ಪರೀಕ್ಷಿತ ಒಟ್ಟು ಸಂಖ್ಯೆ 92.04 ಕೋಟಿಗೆ ಹೆಚ್ಚಾಗಿದೆ.

ಕಳೆದ 24 ಗಂಟೆಗಳಲ್ಲಿ 7,463 ಡೋಸ್‌ ಲಸಿಕೆ ನೀಡಲಾಗಿದ್ದು ಭಾರತವು ಕೋವಿಡ್ ವಿರುದ್ಧ ಒಟ್ಟು 220.65 ಕೋಟಿ ಲಸಿಕೆಗಳನ್ನು ನೀಡಿದೆ ಎಂದು ಸಚಿವಾಲಯ ತಿಳಿಸಿದೆ.