ಸೋಲಾರ್ ವಿದ್ಯುತ್ ಖರೀದಿ ಒಪ್ಪಂದ: ಆಂಧ್ರ ಮಾಜಿ ಸಿ.ಎಂ ಜಗನ್‌ ಸಮರ್ಥನೆ

ಹೈದರಾಬಾದ್: ಸೋಲಾರ್ ಇಂಧನ ಖರೀದಿ ಒಪ್ಪಂದ ಪ್ರಕರಣದಲ್ಲಿ ಅಮೆರಿಕ ‌ನ್ಯಾಯಾಲಯದಲ್ಲಿ ದಾಖಲಾದ  ಪ್ರಕರಣದಲ್ಲಿ ತಮ್ಮ ಹೆಸರು ಉಲ್ಲೇಖವಾಗಿದೆ ಎಂಬ ವರದಿಗಳನ್ನು ‘ಅಸಂಬದ್ದ’ ಎಂದು ಆಂಧ್ರಪ್ರದೇಶದ ಮಾಜಿ ಮುಖ್ಯಮಂತ್ರಿ ವೈ.ಎಸ್‌.ಜಗನ್‌ಮೋಹನ್‌ ರೆಡ್ಡಿ ತಳ್ಳಿಹಾಕಿದ್ದಾರೆ.

‘ಆಳವಾದ ಅಧ್ಯಯನದ ನಂತರವು ಸೋಲಾರ್ ವಿದ್ಯುತ್ ಖರೀದಿ ಕುರಿತು ಎಸ್‌ಇಸಿಐ ಜೊತೆಗೆ ಸರ್ಕಾರ ಒಪ್ಪಂದ ಮಾಡಿಕೊಂಡಿತ್ತು. ಅದೊಂದು ಐತಿಹಾಸಿಕವಾದ ಒಪ್ಪಂದವಾಗಿದೆ’ ಎಂದು ಸಮರ್ಥಿಸಿಕೊಂಡಿದ್ದಾರೆ.