ಅತ್ಯುತ್ತಮ ರುಚಿ; ಜಮ್ಮು ಬಿಯರ್‌ಗಳಿಗೆ ನಾಲ್ಕು ಪದಕ!
ಜಮ್ಮು: ಜಮ್ಮು ಮೂಲದ ದೇವನ್ಸ್‌ ಮಾಡರ್ನ್‌ ಬ್ರೀವೆರೀಸ್‌ ಲಿಮಿಟೆಡ್‌ನ ಎಲ್ಲಾ ನಾಲ್ಕು ಬಿಯರ್‌ ಬ್ರ್ಯಾಂಡ್‌ಗಳಿಗೆ 'ಸ್ಪಿರಿಟ್ಸ್‌ ಸೆಲೆಕ್ಷನ್‌ ಅವಾರ್ಡ್ಸ್‌ 2021' ಸಂದಿರುವುದಾಗಿ ಕಂಪನಿಯ ವಕ್ತಾರರು ಮಂಗಳವಾರ ಹೇಳಿದ್ದಾರೆ.
ಭಾನುವಾರ ದೆಹಲಿಯಲ್ಲಿ ನಡೆದಿರುವ ಕಾರ್ಯಕ್ರಮದಲ್ಲಿ 'ಬಿಯರ್‌' ಪ್ರಶಸ್ತಿಗಳು ಘೋಷಣೆಯಾಗಿವೆ. 2020ರಲ್ಲೂ ಜಮ್ಮುವಿನ ಈ ಕಂಪನಿಯು ಪ್ರಶಸ್ತಿ ಗಳಿಸಿತ್ತು.
ಬಿಯರ್‌ ರುಚಿ ನೋಡುವ ಮೂಲಕ ಪ್ರಶಸ್ತಿಗೆ ಆಯ್ಕೆ ಮಾಡುವ ವಿಧಾನ ಅನುಸರಿಸಲಾಗಿದೆ. ಗಾಡ್‌ಫಾದರ್ ಲೆಜೆಂಡರಿ, ಕಾಟ್ಸ್‌ಬರ್ಗ್‌ ಬಿಲ್ಸ್‌, ಸಿಕ್ಸ್‌ ಫೀಲ್ಡ್ಸ್‌ ಬ್ಲಾಂಚ್ ಹಾಗೂ ಸಿಕ್ಸ್‌ ಫೀಲ್ಡ್ಸ್‌ ಕಲ್ಟ್‌ ಹೆಸರಿನ ಬಿಯರ್‌ಗಳಿಗೆ ಚಿನ್ನದ ಪದಕಗಳು ಮತ್ತು ಬೆಳ್ಳಿಯ ಪದಕ ಸಂದಿವೆ.
ಬಿಯರ್‌ನ ಹೆಸರು, ಕಂಪನಿಯ ವಿವರ ನೋಡದೆಯೇ ರುಚಿಯ ಮೂಲಕ ಮಾತ್ರವೇ ಅತ್ಯುತ್ತಮ ಡ್ರಿಂಕ್‌ ಅಥವಾ ಬಿಯರ್‌ ಆಯ್ಕೆ ಮಾಡುವ ಪದ್ಧತಿಯು ಅಂತರರಾಷ್ಟ್ರೀಯ ಮಟ್ಟದಲ್ಲಿ ಬಳಕೆಯಲ್ಲಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.