ಜಮ್ಮು: ಇಬ್ಬರು ಉಗ್ರರ ಬಂಧನ

ಜಮ್ಮು: ಜಮ್ಮು ಮತ್ತು ಕಾಶ್ಮೀರದ ಪೂಂಚ್‌ ಜಿಲ್ಲೆಯಲ್ಲಿ ಇಬ್ಬರು ಉಗ್ರರನ್ನು ಪೊಲೀಸರು ಬಂಧಿಸಿದ್ದಾರೆ. 

ಅಜಾಮಾಬಾದ್‌ನಲ್ಲಿರುವ ತಾರಿಖ್‌ ಶೇಖ್‌ ಮನೆಯಲ್ಲಿ ಶೋಧ ಕಾರ್ಯಾಚರಣೆ ನಡೆಸಲಾಯಿತು. ಈ ವೇಳೆ ತಾರಿಖ್‌ ಹಾಗೂ ಆತನ ಸಹಚರ, ಚಂಬೆರ್‌ ಗ್ರಾಮದ ರಿಯಾಜ್‌ ಅಹ್ಮದ್‌ನನ್ನು ಬಂಧಿಸಲಾಗಿದೆ ಎಂದು ಪೊಲೀಸರು ಭಾನುವಾರ ತಿಳಿಸಿದರು. 

ಇಬ್ಬರನ್ನೂ ವಿಚಾರಣೆ ನಡೆಸಲಾಗುತ್ತಿದೆ. ತಾರಿಖ್‌ ಬಾಡಿಗೆ ಪಡೆದಿರುವ ಜಾಗವೊಂದರಲ್ಲಿ ಶೋಧ ನಡೆಸಿ, ಅಲ್ಲಿದ್ದ ಶಸ್ತ್ರಾಸ್ತ್ರಗಳನ್ನು ವಶಪಡಿಸಿಕೊಂಡಿದ್ದಾರೆ.