ಅತ್ಯಾಚಾರ: ಅಪರಾಧಿಗೆ ಒಟ್ಟು 45 ವರ್ಷ ಸಜೆ

ಇಡುಕ್ಕಿ, ಕೇರಳ: 14 ವರ್ಷ ವಯಸ್ಸಿನ ಬಾಲಕಿಯ ಮೇಲೆ ಪದೇ ಪದೇ ಅತ್ಯಾಚಾರ ಎಸಗಿದ್ದ 80 ವರ್ಷ ವಯಸ್ಸಿನ ಅಪರಾಧಿಗೆ ಸ್ಥಳೀಯ ತ್ವರಿತ ವಿಚಾರಣೆಯ ವಿಶೇಷ ನ್ಯಾಯಾಲಯವು ಒಟ್ಟು 45 ವರ್ಷ ಅವಧಿ ಸಜೆ ವಿಧಿಸಿದೆ.

ನ್ಯಾಯಾಧೀಶರಾದ ಟಿ.ಜಿ.ವರ್ಗೀಸ್ ಅವರು, ಅಪರಾಧಿಗೆ ಪೋಕ್ಸೊ ಕಾಯ್ದೆಯಡಿ ಸಜೆ ವಿಧಿಸಿ ಆದೇಶ ಹೊರಡಿಸಿದರು ಎಂದು ವಿಶೇಷ ಅಭಿಯೋಜಕ (ಎಸ್‌ಪಿಪಿ) ಶಿಜೊ ಮೊನ್ ಜೋಸೆಫ್ ಅವರು ಇಲ್ಲಿ ತಿಳಿಸಿದರು. 

ಜೈಲು ಶಿಕ್ಷೆಯನ್ನು ಏಕಕಾಲದಲ್ಲಿ ಅನುಭವಿಸಬೇಕಾದ ಕಾರಣ ಅಪರಾಧಿ ಅನುಭವಿಸಲಿರುವ ಗರಿಷ್ಠ ಸಜೆ ಅವಧಿಯು 20 ವರ್ಷಗಳಾಗಿವೆ. ಅಂದರೆ, ಆತನು 20 ವರ್ಷ ಜೈಲಿನಲ್ಲಿಯೇ ಕಳೆಯಬೇಕಾಗಿದೆ ಎಂದು ಎಸ್‌ಪಿಪಿ ವಿವರಿಸಿದರು.

ಅಲ್ಲದೆ, ಅಪರಾಧಿಗೆ ₹ 60 ಸಾವಿರ ದಂಡವನ್ನು ಕೋರ್ಟ್ ವಿಧಿಸಿದೆ. ಈ ಮೊತ್ತವನ್ನು ವಸೂಲು ಮಾಡಿ, ಸಂತ್ರಸ್ತೆಗೆ ನೀಡಬೇಕು ಎಂದು ತಿಳಿಸಿದೆ. ಕೃತ್ಯ 2021ರಲ್ಲಿ ನಡೆದಿದ್ದು, ಅಂಗಡಿ ಬಳಿಯೇ ವಾಸವಿದ್ದ ಬಾಲಕಿ ಮನೆಯಲ್ಲಿ ಏಕಾಂಗಿಯಾಗಿದ್ದಾಗ ಕೃತ್ಯ ಎಸಗಿದ್ದನು.