ಲತಾ ಮಂಗೇಶ್ಕರ್‌ ಚಿತಾಭಸ್ಮ ರಾಮಕುಂಡದಲ್ಲಿ ವಿಸರ್ಜನೆ

ನಾಸಿಕ್‌(ಮಹಾರಾಷ್ಟ್ರ): ಈಚೆಗೆ ನಿಧನರಾದ ಗಾನಕೋಗಿಲೆ ಲತಾ ಮಂಗೇಶ್ಕರ್ ಅವರ ಚಿತಾಭಸ್ಮವನ್ನು ಇಲ್ಲಿನ ಗೋದಾವರಿ ನದಿತೀರದ ಪವಿತ್ರ ರಾಮಕುಂಡದಲ್ಲಿ ಗುರುವಾರ ವಿಸರ್ಜಿಸಲಾಯಿತು.

ಲತಾ ಅವರ ಸಹೋದರಿ ಉಷಾ ಮಂಗೇಶ್ಕರ್‌,ಸೋದರಳಿಯ ಆದಿನಾಥ ಮಂಗೇಶ್ಕರ್‌ ಹಾಗೂ ಸಂಬಂಧಿಕರು ಉಪಸ್ಥಿತರಿದ್ದರು.

ತಮ್ಮ ನೆಚ್ಚಿನ ಗಾಯಕಿಗೆ ಗೌರವ ಸಲ್ಲಿಸಲು ನಾಸಿಕ್‌ ನಿವಾಸಿಗಳು ನದಿ ದಡದಲ್ಲಿ ಸೇರಿದ್ದರು.