ಮಣಿಪುರ: ಬಂಡುಕೋರನ ಬಂಧನ

ಇಂಫಾಲ್: ನಿಷೇಧಿತ ಸಂಘಟನೆಯೊಂದರ ಸದಸ್ಯರೊಬ್ಬರನ್ನು ಮಣಿಪುರದ ಇಂಫಾಲ್ ಪಶ್ಚಿಮ ಜಿಲ್ಲೆಯಲ್ಲಿ ಭದ್ರತಾ ಸಿಬ್ಬಂದಿ ಬಂಧಿಸಿದ್ದಾರೆ.

‘ಕಾಂಗ್ಲೆಯಿ ಯವೊಲ್ ಕನ್ನಾ ಲುಪ್‌ ಸಂಘಟನೆಯ (ಕೆವೈಕೆಎಲ್‌) ಸದಸ್ಯರೊಬ್ಬರನ್ನು(43) ಅವರ ಮನೆಯಲ್ಲಿ ಗುರುವಾರ ಬಂಧಿಸಲಾಗಿದೆ. 9 ಎಂ.ಎಂ ಪಿಸ್ತೂಲ್, ಗುಂಡು ಮತ್ತು ಮ್ಯಾಗಜಿನ್‌ಗಳನ್ನು ವಶಪಡಿಸಿಕೊಳ್ಳಲಾಗಿದೆ’ ಎಂದು ಹಿರಿಯ ಪೊಲೀಸ್‌ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.

‘ಜಿರಿಬಾಮ್ ಜಿಲ್ಲೆಯ ಸೋನಾಪುರ ಮತ್ತು ಜೈರೊಲ್‌ಪೊಕ್ಪಿ ಗ್ರಾಮಗಳಲ್ಲೂ ಶಸ್ತ್ರಾಸ್ತ್ರ ಮತ್ತು ಸ್ಫೋಟಕಗಳನ್ನು ವಶಪಡಿಸಿಕೊಳ್ಳಲಾಗಿದೆ’ ಎಂದು ಮತ್ತೊಬ್ಬ ಅಧಿಕಾರಿ ತಿಳಿಸಿದ್ದಾರೆ.

‘ಕಾಂಗ್‌ಪೋಕ್ಪಿ ಜಿಲ್ಲೆಯಲ್ಲಿ ಅಕ್ರಮ ಬಂಕರ್‌ ಅನ್ನು ನಾಶಪಡಿಸಲಾಗಿದೆ’ ಎಂದು ಪೊಲೀಸರು ತಿಳಿಸಿದ್ದಾರೆ.