‘ಇ–ಪಾಸ್‌ಪೋರ್ಟ್ ಪರಿಚಯಕ್ಕೆ ಚಿಂತನೆ’

ನವದೆಹಲಿ (ಪಿಟಿಐ): ಹೆಚ್ಚು ಭದ್ರತಾ ಸೌಲಭ್ಯಗಳನ್ನು ಒಳಗೊಂಡ ಇ–ಪಾಸ್‌‍ಪೋರ್ಟ್‌ಗಳನ್ನು ಪರಿಚಯಿಸಲು ವಿದೇಶಾಂಗ ವ್ಯವಹಾರಗಳ ಸಚಿವಾಲಯ ಪ್ರಸ್ತಾವನೆ ಇರಿಸಿದೆ ಎಂದು ಸಚಿವ ಎಸ್. ಜೈಶಂಕರ್ ತಿಳಿಸಿದ್ದಾರೆ.

‘ಚಿಪ್‌ ಸಹಿತ ಇ–ಪಾಸ್‌ಪೋರ್ಟ್‌ ವ್ಯವಸ್ಥೆ ಜಾರಿಗೆ ತರುವ ಕುರಿತು ಭಾರತೀಯ ರಕ್ಷಣಾ ಮುದ್ರಣಾಲಯದ ಜತೆಗೆ ಈಗಾಗಲೇ ಮಾತುಕತೆ ಆರಂಭಿಸಲಾಗಿದೆ’ ಎಂದು ಏಳನೇ ಪಾಸ್‌ಪೋರ್ಟ್‌ ಸೇವಾ ದಿನದ ಸಮಾರಂಭದಲ್ಲಿ ಅವರು ಹೇಳಿದ್ದಾರೆ.