ನಾಗರಿಕರನ್ನು ಅಪಹರಿಸಿದ ಉಗ್ರರು

ಶ್ರೀನಗರ:ದಕ್ಷಿಣ ಕಾಶ್ಮೀರದ ಸೋಫಿಯಾನ್‌ ಜಿಲ್ಲೆಯ ಮೂವರು ನಾಗರಿಕರನ್ನು ಉಗ್ರರು ಅಪಹರಿಸಿದ್ದಾರೆ.

ಬೇಕರಿಯಲ್ಲಿ ಕೆಲಸ ಮಾಡುತ್ತಿದ್ದಶಾಹೀದ್‌ ಅಹ್ಮದ್‌ ಗಾನೇ, ಫಾರೂಕ್ ಅಹ್ಮದ್‌ ಮತ್ತು ಹುಜೈಫ್‌ ಅಹ್ಮದ್‌ ಕುಟೈ ಅಪಹರಣಕ್ಕೊಳಗಾದವರು. ಕಾರಿನಲ್ಲಿ ಬಂದ ಉಗ್ರರು ಬಂದೂಕು ತೋರಿಸಿ ಇವರನ್ನು ಅಪಹರಿಸಿದ್ದಾರೆ.

ಇತ್ತೀಚೆಗಷ್ಟೇ ಇದೇ ಜಿಲ್ಲೆಯ ನಾದೀಮ್‌ ಮಂಜೂರ್‌ ಎಂಬಾತನನ್ನು ಉಗ್ರರು ಅಪಹರಿಸಿ ಕೊಲೆ ಮಾಡಿದ್ದರು. ಈ ವಿಡಿಯೊ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡಿತ್ತು.