ಎನ್ಎಚ್‌ಕ್ಯೂಎಫ್‌ ಕರಡು ಮಾನದಂಡ ಬದಲಾವಣೆ?

ನವದೆಹಲಿ: ವಿಶ್ವವಿದ್ಯಾನಿಲಯ ಧನಸಹಾಯ ಆಯೋಗವು (ಯುಜಿಸಿ) ರಾಷ್ಟ್ರೀಯ ಉನ್ನತ ಶಿಕ್ಷಣ ಅರ್ಹತಾ ಚೌಕಟ್ಟು (ಎನ್ಎಚ್‌ಕ್ಯೂಎಫ್‌) ಕರಡಿನ ಕಲಿಕಾ ಮಾನದಂಡವನ್ನು ಮಾರ್ಪಡಿಸಲಿದೆ.

ರಾಷ್ಟ್ರೀಯ ಕೌಶಲ ಅರ್ಹತೆ ಚೌಕಟ್ಟು ಮತ್ತು ನಾಲ್ಕು ವರ್ಷಗಳ ಪದವಿಪೂರ್ವ ಶಿಕ್ಷಣ ಕಾರ್ಯಕ್ರಮಕ್ಕೆ ಅನುಕೂಲ ಮಾಡಿಕೊಡುವ ಉದ್ದೇಶದಿಂದ ಈ ಬದಲಾವಣೆ ಮಾಡಲಾಗುತ್ತಿದೆ.

ಈ ಸಂಬಂಧ ಉನ್ನತ ಶಿಕ್ಷಣ ಅಧಿಕಾರಿಗಳು, ಕುಲಪತಿಗಳು ಮತ್ತು ಕಾಲೇಜು ಪ್ರಾಂಶುಪಾಲರೊಂದಿಗೆ 4 ಸರಣಿ ಸಭೆಗಳನ್ನು ಕರೆದಿದ್ದು, ಬುಧವಾರ ಮೊದಲ ಸಭೆ ನಿಗದಿಯಾಗಿದೆ.ಎನ್ಎಚ್‌ಕ್ಯೂಎಫ್‌ ಕರಡನ್ನು ಈ ವರ್ಷ ಫೆಬ್ರುವರಿಯಲ್ಲಿ ಬಿಡುಗಡೆ ಮಾಡಲಾಗಿದೆ.