ಪಂಜಾಬ್‌ನಲ್ಲಿ ಮಿನಿ ಬಸ್‌ ಅಪಘಾತ: 9 ಜನ ಸಾವು

ಹೋಶಿಯಾರ್‌ಪುರ (ಪಂಜಾಬ್‌): ಜಿಲ್ಲೆಯ ಸಗ್ರಾನ್‌ ಗ್ರಾಮದ ಬಳಿ ಮಿನಿ ಬಸ್‌ ಪಲ್ಟಿಯಾಗಿ 9 ಮಂದಿ ಸಾವಿಗೀಡಾಗಿದ್ದು, 33 ಜನ ಗಾಯಗೊಂಡಿದ್ದಾರೆ. 

40ಕ್ಕೂ ಹೆಚ್ಚು ಜನ ಪ್ರಯಾಣಿಕರಿದ್ದ ಬಸ್‌, ಹಾಜಿಪುರದಿಂದ ದಸುಯಾಗೆ ತೆರಳುತ್ತಿತ್ತು. ಮಾರ್ಗ ಮಧ್ಯದಲ್ಲಿ ಚಾಲಕನ ನಿಯಂತ್ರಣ ತಪ್ಪಿ ಅಪಘಾತ ಸಂಭವಿಸಿದೆ ಎನ್ನಲಾಗಿದೆ. ಸ್ಥಳದಲ್ಲಿ ಕಾರೊಂದು ಕೂಡ ಜಖಂಗೊಂಡಿರುವುದು ಕಂಡುಬಂದಿದೆ. 

ಮೃತರ ಕುಟುಂಬಕ್ಕೆ ತಲಾ ₹2 ಲಕ್ಷ ಪರಿಹಾರ ನೀಡಲಾಗುವುದು ಎಂದು ಹೋಶಿಯಾರ್‌ಪುರ ಜಿಲ್ಲಾಧಿಕಾರಿ ಆಶಿಕಾ ಜೈನ್‌ ತಿಳಿಸಿದರು.