ನದಿ ಜೋಡಣೆಗೆ ಕೇಂದ್ರ ಬದ್ಧ: ನಿತಿನ್‌ ಗಡ್ಕರಿ

ಹೈದರಾಬಾದ್‌: ‘ನೀರಿನ ಅಗತ್ಯವನ್ನು ಪೂರೈಸುವ ನಿಟ್ಟಿನಲ್ಲಿ ತಮಿಳುನಾಡು, ಕರ್ನಾಟಕ, ಆಂಧ್ರಪ್ರದೇಶ ಹಾಗೂ ತೆಲಂಗಾಣ ರಾಜ್ಯಗಳಲ್ಲಿನ ನದಿಗಳನ್ನು ಜೋಡಿಸಲು ಕೇಂದ್ರಸರ್ಕಾರ ಬದ್ಧವಾಗಿದೆ’ ಎಂದು ಕೇಂದ್ರ ಸಚಿವ ನಿತಿನ್‌ ಗಡ್ಕರಿ ಹೇಳಿದರು.

‘ವ್ಯರ್ಥವಾಗಿ ಸಮುದ್ರ ಸೇರುತ್ತಿರುವ ಗೋದಾವರಿ ನದಿ ನೀರನ್ನು ಕೃಷ್ಣಾ ನದಿಯ ಕಡೆಗೆ ತಿರುಗಿಸಲಾಗುವುದು. ಅದೇ ರೀತಿ, ಕೃಷ್ಣಾ ನೀರನ್ನು ಪೆನ್ನಾ ನದಿಗೆ, ಈ ನದಿಯ ನೀರನ್ನು ಕಾವೇರಿ ನದಿಯತ್ತ ಹರಿಸಲಾಗುವುದು ಎಂದು ಅವರು ಹೇಳಿದರು.