ಸೋಂಕಿತರಿಗೆ ಪತಂಜಲಿ ಔಷಧ ನೀಡಲು ಅನುಮತಿ: ನಿಮ್ಸ್‌ಗೆ ನೋಟಿಸ್‌

ಜೈಪುರ:ಕೊರೊನಾ ಸೋಂಕಿತರಿಗೆ ಪತಂಜಲಿ ಆಯುರ್ವೇದ ಔಷಧ ನೀಡಲು ಅನುಮತಿ ನೀಡಿದ್ದಕ್ಕೆ ವಿವರಣೆ ನೀಡುವಂತೆ ಸೂಚಿಸಿ ನಿಮ್ಸ್‌ ಆಸ್ಪತ್ರೆಗೆ ರಾಜಸ್ಥಾನ ಆರೋಗ್ಯ ಇಲಾಖೆ ನೋಟಿಸ್‌ ನೀಡಿದೆ.

‘ಮೂರು ದಿನಗಳಲ್ಲಿ ವಿವರಣೆ ನೀಡುವಂತೆ ಆಸ್ಪತ್ರೆಗೆ ತಿಳಿಸಲಾಗಿದೆ. ಪತಂಜಲಿ ಔಷಧಿ ನೀಡುವ ಕುರಿತು ಆಸ್ಪತ್ರೆ ಆಡಳಿತ ಮಂಡಳಿ ರಾಜ್ಯ ಸರ್ಕಾರಕ್ಕೆ ಯಾವುದೇ ಮಾಹಿತಿ ನೀಡಿಲ್ಲ’ ಎಂದುಜೈಪುರದ ಮುಖ್ಯ ವೈದ್ಯಕೀಯ ಮತ್ತು ಆರೋಗ್ಯ ಅಧಿಕಾರಿ ಡಾ.ನಾರೋತ್ತಂಶರ್ಮಾ ಹೇಳಿದ್ದಾರೆ.

ಆಯುಷ್ ಸಚಿವಾಲಯದ ಅನುಮತಿಯಿಲ್ಲದೆ ರಾಜ್ಯದಲ್ಲಿ ಈ ಔಷಧಿಯನ್ನು ರೋಗಿಗಳಿಗೆ ನೀಡುವಂತಿಲ್ಲ ಎಂದುರಾಜಸ್ಥಾನ ಸರ್ಕಾರ ಸ್ಪಷ್ಟಪಡಿಸಿದೆ.