ಗುಂಡಿನ ದಾಳಿ: ಓರ್ವ ಬಲಿ, ಮೂವರಿಗೆ ಗಾಯ

ಮುಂಬೈ: ದುಷ್ಕರ್ಮಿಯೊಬ್ಬ ನಡೆಸಿದ ಗುಂಡಿನ ದಾಳಿಯಲ್ಲಿ ಒಬ್ಬ ಮೃತಪಟ್ಟು, ನಾಲ್ವರು ಗಾಯಗೊಂಡಿರುವ ಘಟನೆ ಕುರ್ಲಾದಲ್ಲಿ ನಡೆದಿದೆ.

‘ಅಜಾದ್‌ ಬಡಾವಣೆಗೆ ಸಂಜೆ 3:15ರ ವೇಳೆಗೆ ಆಗಮಿಸಿದ ಆಗಂತುಕ 16 ಸುತ್ತು ಗುಂಡು ಹಾರಿಸಿದ್ದು, ಘಟನೆಯಲ್ಲಿ ಸ್ಥಳೀಯ ನಿವಾಸಿ ಸುಮಿತ್‌ ಯೆರುಂಕರ್‌ ಮೃತಪಟ್ಟಿದ್ದಾನೆ’ ಎಂದು ಪೊಲೀಸರು ತಿಳಿಸಿದ್ದಾರೆ. 

‘ಗಾಯಗೊಂಡಿದ್ದ ಮೂವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿದ್ದು, ಅವರ ಆರೋಗ್ಯ ಸ್ಥಿರವಾಗಿದೆ’ ಎಂದು ತಿಳಿಸಿದ್ದಾರೆ.

‘ವೈಯಕ್ತಿಕ ದ್ವೇಷದ ಕಾರಣಕ್ಕಾಗಿ ದಾಳಿ ನಡೆದಿದ್ದು, ಆರೋಪಿ ಸ್ಥಳದಿಂದ ಪರಾರಿಯಾಗಿದ್ದಾನೆ. ಪೊಲೀಸರ 9 ತಂಡಗಳನ್ನು ರಚಿಸಿ ತನಿಖೆ ನಡೆಸಲಾಗುತ್ತಿದೆ’ ಎಂದು ಪೊಲೀಸ್‌ ಉಪ ಆಯುಕ್ತ ಹೇಮರಾಜ್‌ಸಿಂಗ್‌ ರಜಪೂತ್‌ ತಿಳಿಸಿದ್ದಾರೆ.