ಪೂಂಛ್‌: ಪಾಕ್‌ ಗಡಿಯಲ್ಲಿ ಶಸ್ತ್ರಾಸ್ತ್ರ ಪತ್ತೆ

ಮೆಂಧರ್‌/ಪೂಂಛ್‌: ಭಾರತ– ಪಾಕಿಸ್ತಾನ ಗಡಿಯಲ್ಲಿರುವ ಪೂಂಛ್‌ ಜಿಲ್ಲೆಯಲ್ಲಿ ಶಸ್ತ್ರಾಸ್ತ್ರಗಳನ್ನು ತುಂಬಿದ್ದ ಚೀಲವನ್ನು ಸೇನೆಯ ಅಧಿಕಾರಿಗಳು ಗುರುವಾರ ವಶಪಡಿಸಿಕೊಂಡಿದ್ದಾರೆ.

ರಂಗರ್‌ ನಲ್ಲಾ ಹಾಗೂ ‍ಪೂಂಛ್‌ ನದಿ ನಡುವಿನ ಪ್ರದೇಶದಲ್ಲಿ ಮುಂಜಾನೆ ಚೀಲವು ಪತ್ತೆಯಾಗಿದೆ. ಡ್ರೋನ್‌ ಮೂಲಕ ಈ ಚೀಲವನ್ನು ಇಲ್ಲಿ ಹಾಕಲಾಗಿದೆ ಎಂದು ಶಂಕಿಸಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. 

ಹತ್ತಾರು ಮದ್ದುಗುಂಡುಗಳು, ಹಳದಿ ಟಿಫಿನ್‌ ಬಾಕ್ಸ್‌ ಹಾಗೂ ಸುಧಾರಿತ ಸ್ಫೋಟಕ ಸಾಧನಗಳು (ಐಇಡಿ) ಚೀಲದಲ್ಲಿ ಪತ್ತೆಯಾಗಿವೆ.