Pahalgam Terror Attack | ಪಹಲ್ಗಾಮ್‌ ದಾಳಿಕೋರರಿಗೆ ನೆರವು: ಒಬ್ಬನ ಬಂಧನ

ಶ್ರೀನಗರ: ಪಹಲ್ಗಾಮ್‌ ಭಯೋತ್ಪಾದಕ ದಾಳಿಗೆ ಬೆಂಬಲ ನೀಡಿದ್ದ ಆರೋಪದಡಿ ಉತ್ತರ ಕಾಶ್ಮೀರದ ವ್ಯಕ್ತಿಯೊಬ್ಬನನ್ನು ಪೊಲೀಸರು ಬುಧವಾರ ಬಂಧಿಸಿದ್ದಾರೆ.

‘ಗುಪ್ತಚರ ಮಾಹಿತಿಯ ಆಧಾರದಲ್ಲಿ ಶ್ರೀನಗರ ಪೊಲೀಸರು ಮೊಹದ್‌ ಯೂಸುಫ್‌ ಕಟಾರಿ(26) ಎಂಬಾತನನ್ನು ಬಂಧಿಸಿದ್ದಾರೆ’ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

'ಏಪ್ರಿಲ್ 22ರಂದು ಪಹಲ್ಗಾಮ್‌ನಲ್ಲಿ ದಾಳಿ ನಡೆಸಿದ ಭಯೋತ್ಪಾದಕರಿಗೆ ಯೂಸುಫ್‌ ಸಂಚಾರಕ್ಕೆ ನೆರವು ಒದಗಿಸಿದ್ದ’ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.