ಮಧ್ಯಪ್ರದೇಶ: ಮದ್ಯದಂಗಡಿ ಮೇಲೆ ಸಗಣಿ ಎರಚಿದ ಉಮಾಭಾರತಿ

ಭೋಪಾಲ್/ನಿವಾರಿ: ಮಧ್ಯಪ್ರದೇಶದಲ್ಲಿ ಎಲ್ಲಾ ಮದ್ಯದಂಗಡಿಗಳನ್ನು ಬಂದ್ ಮಾಡಬೇಕು ಎಂದು ಒತ್ತಾಯಿಸುತ್ತಿರುವ ಬಿಜೆಪಿಯ ಹಿರಿಯ ನಾಯಕಿ ಉಮಾ ಭಾರತಿ ಅವರು ನಿವಾರಿ ಜಿಲ್ಲೆಯಲ್ಲಿರುವ ಮದ್ಯದಂಗಡಿ ಮೇಲೆ ಸಗಣಿ ಎರಚಿದ್ದಾರೆ.

ರಾಮರಾಜ ದೇವಸ್ಥಾನ ಇರುವ ಓರಛಾ ನಗರದಲ್ಲಿನ ಮದ್ಯದಂಗಡಿ ಮೇಲೆ ಸಗಣಿ ಎರಚುತ್ತಿರುವ ವಿಡಿಯೊದಲ್ಲಿ, ’ನೋಡಿ ನಾನು ಮದ್ಯದಂಗಡಿ ಮೇಲೆ ಸಗಣಿ ಎರಚುತ್ತಿದ್ದೇನೆ. ಆದರೆ, ಕಲ್ಲುಗಳನ್ನು ಅಲ್ಲ‘ ಎಂದು ಉಮಾಭಾರತಿ ಅವರು ಹೇಳಿದ್ದಾರೆ.

ಪವಿತ್ರ ಓರಛಾ ಪಟ್ಟಣದಲ್ಲಿ ಮದ್ಯದಂಗಡಿಗೆ ಅನುಮೋದನೆಯಿಲ್ಲ. ಈ ಪವಿತ್ರ ನಗರದಲ್ಲಿ ಇಂಥ ಮದ್ಯದಂಗಡಿ ಇರುವುದು ಅಪರಾಧ ಎಂದು ಅವರು ತಿಳಿಸಿದ್ದಾರೆ.ಆದರೆ, ಈ ಮದ್ಯದಂಗಡಿಗೆ ಸರ್ಕಾರದ ಅನುಮತಿಯಿದೆ ಎಂದು ಪೊಲೀಸರು ಹೇಳಿದ್ದಾರೆ.

ಕೆಲವು ತಿಂಗಳ ಹಿಂದೆ ಭೋಪಾಲ್‌ನಲ್ಲಿ ಮದ್ಯದಂಗಡಿ ಮೇಲೆ ಕಲ್ಲು ಎಸೆದಿದ್ದ ವಿಡಿಯೊ ವೈರಲ್ ಆಗಿತ್ತು.

ಅಗ್ನಿಪಥ ಯೋಜನೆ: ನಮ್ಮ ಸೇನೆಯ ಘನತೆಯ ಜೊತೆ ರಾಜಿ ಬೇಡ- ರಾಹುಲ್ ಗಾಂಧಿ