India-Pakistan tension: ಪಂಜಾಬ್‌ನ 5 ಗಡಿ ಜಿಲ್ಲೆಗಳಲ್ಲಿ ಶಾಲಾ–ಕಾಲೇಜ್‌ ಬಂದ್

ನವದೆಹಲಿ: ಕದನ ವಿರಾಮ ಘೋಷಣೆ ಮಾಡಿದರೂ ಗಡಿಯಲ್ಲಿ ಉದ್ವಿಗ್ನತೆ ಇರುವುದರಿಂದ ಪಂಜಾಬ್‌ನ ಐದು ಗಡಿ ಜಿಲ್ಲೆಗಳಲ್ಲಿ ಮಂಗಳವಾರವೂ ಶಾಲಾ–ಕಾಲೇಜುಗಳಿಗೆ ರಜೆ ನೀಡಲಾಗಿದೆ.

ಅಮೃತಸರ್, ಪಠಾಣಕೋಟ್‌, ಫಿರೋಜ್‌ಪುರ, ಫಾಜಿಲ್ಕಾ ಹಾಗೂ ತರನ್‌ ತರನ್‌ ಜಿಲ್ಲೆಗಳಲ್ಲಿ ಶಾಲಾ–ಕಾಲೇಜುಗಳಿಗೆ ಮಂಗಳವಾರ ಶಾಲಾ– ಕಾಲೇಜುಗಳಿಗೆ ರಜೆ ನೀಡಲಾಗಿದೆ. 

ಅಮೃತಸರ್, ಪಠಾಣಕೋಟ್‌ನಲ್ಲಿರುವ ವಿಶ್ವವಿದ್ಯಾಲಯಗಳು ಮತ್ತು ಸ್ನಾತಕೋತ್ತರ ಕೇಂದ್ರಗಳನ್ನು ಮುಚ್ಚಲಾಗಿದೆ. ಆದಾಗ್ಯೂ ಆನ್‌ಲೈನ್‌ ತರಗತಿಗಳಿಗೆ ಅವಕಾಶ ಕೊಡಲಾಗಿದೆ.

ಗುರುದಾಸ್‌ಪುರ, ಸಂಗ್ರೂರ್ ಮತ್ತು ಬರ್ನಾಲಾ ಜಿಲ್ಲೆಗಳಲ್ಲಿ ಇಂದಿನಿಂದ ಶಾಲಾ–ಕಾಲೇಜುಗಳು ಆರಂಭವಾಗಿವೆ. ಈ ಭಾಗದಲ್ಲಿ ದಾಳಿ ಸಾಧ್ಯತೆ ಕಡಿಮೆ ಎಂಬ ಹಿನ್ನೆಲೆಯಲ್ಲಿ ಶಾಲೆಗಳನ್ನು ಆರಂಭಮಾಡಲಾಗಿದೆ. 

ಪಂಜಾಬ್‌ ರಾಜ್ಯವು ಪಾಕಿಸ್ತಾನದೊಂದಿಗೆ 553 ಕಿ.ಮೀ ಗಡಿಯನ್ನು ಹಂಚಿಕೊಂಡಿದೆ.