ಮಹಾರಾಷ್ಟ್ರ: 100 ವರ್ಷ ಹಳೆಯ ಮೇಲ್ಸೇತುವೆ ಉರುಳಿಸಿದ ಪಿಡಬ್ಲ್ಯೂಡಿ

ಥಾಣೆ: ಕಲು ನದಿಗೆ ಅಡ್ಡಲಾಗಿ ನಿರ್ಮಿಸಲಾಗಿದ್ದ,ಜಿಲ್ಲೆಯ ಮುರ್ಬದ್ ಹಾಗೂ ಶಹಾಪುರ ಪ್ರದೇಶಗಳ ನಡುವಣ ಸಂಪರ್ಕ ಕಲ್ಪಿಸುತ್ತಿದ್ದ ಮೇಲ್ಸೇತುವೆಯನ್ನು ಲೋಕೋಪಯೋಗಿ ಇಲಾಖೆ ಕೆಡವಿದೆ.

ನೂರು ವರ್ಷ ಹಳೆಯದಾದ ಈ ಸೇತುವೆ ಶಿಥಿಲಾವಸ್ಥೆಗೆ ತಲುಪಿದ್ದು, ಬಳಕೆಗೆ ಅಪಾಯಕಾರಿ ಎಂದು ನಿರ್ಧರಿಸಲಾಗಿತ್ತು. ಹೀಗಾಗಿ ಸೇತುವೆಯನ್ನು ಉರುಳಿಸಲಾಗಿದೆ.

ಸದ್ಯ ಅದೇ ಸ್ಥಳದಲ್ಲಿ ಹೊಸ ಮೇಲ್ಸೇತುವೆ ನಿರ್ಮಿಸಲು ಮನವಿ ಸಲ್ಲಿಸಲಾಗಿದ್ದು, ಶೀಘ್ರದಲ್ಲೇ ಈ ಬಗ್ಗೆ ಕ್ರಮ ಕೈಗೊಳ್ಳಲಾಗುವುದು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.