ನವದೆಹಲಿ: ದೆಹಲಿ ಸೇರಿದಂತೆ ಉತ್ತರ ಪ್ರದೇಶ, ತೆಲಂಗಾಣ ಮತ್ತು ಆಂಧ್ರ ಪ್ರದೇಶದಲ್ಲಿ ಕೊರೊನಾ ಸೋಂಕಿತರ ಚಿಕಿತ್ಸೆಗಾಗಿ 204 ಐಸೊಲೇಷನ್ ಬೋಗಿಗಳನ್ನು ರವಾನೆ ಮಾಡಲಾಗಿದೆ ಎಂದು ರೈಲ್ವೆ ಇಲಾಖೆ ತಿಳಿಸಿದೆ.
ಸೋಂಕಿತರ ಸಂಖ್ಯೆ ಏರಿಕೆಯಾಗುತ್ತಿರುವ ಹಿನ್ನೆಲೆಯಲ್ಲಿ ಐಸೊಲೇಷನ್ ಬೋಗಿಗಳನ್ನು ನೀಡುವಂತೆ ಈ ರಾಜ್ಯಗಳು ಮನವಿ ಮಾಡಿದ್ದವು. ಉತ್ತರ ಪ್ರದೇಶಕ್ಕೆ 70, ದೆಹಲಿಗೆ 54, ತೆಲಂಗಾಣಕ್ಕೆ 60 ಹಾಗೂ ಆಂಧ್ರಪ್ರದೇಶಕ್ಕೆ 20 ಬೋಗಿಗಳನ್ನು ರವಾನೆ ಮಾಡಲಾಗಿದೆ.ಉತ್ತರ ಪ್ರದೇಶ ಸರ್ಕಾರವು 240 ಬೋಗಿಗಳಿಗೆ ಬೇಡಿಕೆ ಇರಿಸಿದೆ ಎಂದು ಅಧಿಕಾರಿಗಳು ತಿಳಿಸಿದರು.
ಸೋಂಕಿತರ ಚಿಕಿತ್ಸೆಗಾಗಿ ರೈಲ್ವೆ ಇಲಾಖೆಯು 5,321 ಬೋಗಿಗಳನ್ನುಐಸೊಲೇಷನ್ ವಾರ್ಡ್ಗಳಾಗಿ ಪರಿವರ್ತಿಸಿತ್ತು. ಶ್ರಮಿಕ ರೈಲುಗಳಿಗೆ ಬೋಗಿಗಳ ಬೇಡಿಕೆ ಹೆಚ್ಚಿದ ಸಂದರ್ಭದಲ್ಲಿ ಹಲವು ಬೋಗಿಗಳನ್ನು ಸಾಮಾನ್ಯ ಬೋಗಿಗಳಾಗಿ ಮತ್ತೆ ಪರಿವರ್ತಿಸಲಾಗಿತ್ತು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.