ರಾಜಸ್ಥಾನ ಸ್ಥಳೀಯ ಸಂಸ್ಥೆ ಚುನಾವಣೆ: ಕಾಂಗ್ರೆಸ್‌ ಮುನ್ನಡೆ
ಜೈಪುರ: ರಾಜಸ್ಥಾನದ ನಗರ ಸ್ಥಳೀಯ ಸಂಸ್ಥೆ ಚುನಾವಣೆಯ ಮತ ಎಣಿಕೆ ಪ್ರಕ್ರಿಯೆ ಆರಂಭವಾಗಿದ್ದು, ಆಡಳಿತಾರೂಢ ಕಾಂಗ್ರೆಸ್‌ ಪಕ್ಷವು ಬಿಜೆಪಿಯನ್ನು ಹಿಂದಿಕ್ಕಿದೆ.
3035 ವಾರ್ಡ್‌ಗಳ ಪೈಕಿ 994 ವಾರ್ಡ್‌ಗಳಲ್ಲಿ ಮತ ಎಣಿಕೆ ನಡೆದಿದೆ. ಕಾಂಗ್ರೆಸ್‌ ಪಕ್ಷವು ಭಾನುವಾರ 398 ವಾರ್ಡ್‌ಗಳನ್ನು ಗೆದ್ದಿದೆ. ಬಿಜೆಪಿಯು 333 ವಾರ್ಡ್‌ಗಳಲ್ಲಿ ವಿಜಯ ಸಾಧಿಸಿದೆ.
ಸದ್ಯ ಮತ ಎಣಿಕೆ ಪ್ರಕ್ರಿಯೆ ಮುಂದುವರಿದಿದ್ದು, ಈವರೆಗೆ ಎನ್‌ಸಿಪಿಯು 14, ಆರ್‌ಎಲ್‌ಪಿ 12,ಸಿಪಿಐ(ಎಂ) ಮತ್ತು ಬಿಎಸ್‌ಪಿ ತಲಾ 1 ಮತ್ತು ಸ್ವತಂತ್ರ ಅಭ್ಯರ್ಥಿಗಳು 235 ವಾರ್ಡ್‌ಗಳಲ್ಲಿ ಗೆಲುವನ್ನು ಸಾಧಿಸಿದ್ದಾರೆ.
ಅಜ್ಮೀರ್, ಬನ್ಸ್ವಾರಾ, ಬಿಕಾನೇರ್, ಭಿಲ್ವಾರಾ, ಬುಂಡಿ, ಪ್ರತಾಪಗಡ, ಚಿತ್ತೋರ್‌ಗಡ, ಚುರು, ಡುಂಗಾರ್‌ಪುರ, ಹನುಮನ್‌ಗಡ, ಜೈಸಲ್ಮೇರ್, ಜಲೋರ, ಜಲಾವರ್‌, ನಾಗೌರ್, ಪಾಲಿ, ರಾಜಸಮಂದ್, ಸಿಕಾರ್, ಟೋಂಕ್ ಮತ್ತು ಉದಯಪುರ ಜಿಲ್ಲೆಯಲ್ಲಿ ಗುರುವಾರ ನಗರ ಸ್ಥಳೀಯ ಸಂಸ್ಥೆ ಚುನಾವಣೆ ನಡೆಸಲಾಗಿತ್ತು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.