ಸಂಸದ ರಾಮಚಂದ್ರ ಪಾಸ್ವಾನ್‌ ನಿಧನ

ನವದೆಹಲಿ: ಕೇಂದ್ರ ಸಚಿವ ರಾಮ್‌ವಿಲಾಸ್ ಪಾಸ್ವಾನ್‌ ಅವರ ತಮ್ಮ ಹಾಗೂ ಸಂಸದ ರಾಮಚಂದ್ರ ಪಾಸ್ವಾನ್‌ ಅಲ್ಪಕಾಲದ ಅನಾರೋಗ್ಯದ ಬಳಿಕ ಭಾನುವಾರ ನಿಧನರಾದರು.

ಅವರಿಗೆ 57 ವರ್ಷ ವಯಸ್ಸಾಗಿತ್ತು. ಲೋಕಜನಶಕ್ತಿ ಪಕ್ಷದ ನಾಯಕರಾಗಿದ್ದ ರಾಮಚಂದ್ರ ಅವರು ಬಿಹಾರದ ಸಮಷ್ಟಿಪುರದಿಂದ ನಾಲ್ಕು ಅವಧಿಗೆ ಸಂಸದರಾಗಿ ಆಯ್ಕೆಯಾಗಿದ್ದರು. ಜುಲೈ 12ರಂದು ಹೃದಯಾಘಾತವಾದಾಗ ಅವರನ್ನು ರಾಮ್‌ ಮನೋಹರ್‌ ಲೋಹಿಯಾ ಆಸ್ಪತ್ರೆಗೆ ದಾಖಲಿಸಲಾಗಿತ್ತು.