ಕವಿ ಖಲಿಲ್‌ ಧಂತೆಜ್ವಿ ನಿಧನ

ವಡೋದರಾ: ಗುಜರಾತ್‌ನ ಖ್ಯಾತ ಕವಿ ಮತ್ತು ಘಜಲ್‌ ಗಾಯಕ ಖಲಿಲ್‌ ಧಂತೆಜ್ವಿ (82) ಭಾನುವಾರ ನಿಧನರಾದರು.

ಇವರ ಮೂಲ ಹೆಸರು ಖಲಿಲ್‌ ಇಸ್ಮಾಯಿಲ್‌. ವಡೋದರಾ ಬಳಿಯ ತಮ್ಮ ಗ್ರಾಮ ‘ಧಂತೆಜ್ವಿ’ಯ ಹೆಸರನ್ನು ತಮ್ಮ ಮೂಲ ಹೆಸರಿನ ಜತೆ ಸೇರಿಸಿಕೊಂಡಿದ್ದರು.

ಹಲವು ಕವಿತೆಗಳು, ಘಜಲ್‌ಗಳನ್ನು ಇವರು ಬರೆದಿದ್ದರು. ಪತ್ರಕರ್ತರಾಗಿಯೂ ಇವರು ಕಾರ್ಯನಿರ್ವಹಿಸಿದ್ದರು.

‘ಕವಿ ಖಲಿಲ್‌ ಅವರ ನಿಧನದಿಂದ ಅಪಾರ ದುಃಖವಾಗಿದೆ. ಅವರ ಕೊಡುಗೆಯನ್ನು ಸದಾ ಸ್ಮರಿಸಲಾಗುವುದು’ ಎಂದು ಪ್ರಧಾನಿ ನರೇಂದ್ರ ಮೋದಿ ಟ್ವೀಟ್‌ ಮಾಡಿದ್ದಾರೆ.