ಖ್ಯಾತ ವಿಜ್ಞಾನಿ ದಾಮೋದರನ್ ನಿಧನ

ತಿರುವನಂತಪುರ: ಖ್ಯಾತ ವಿಜ್ಞಾನಿ, ವಿಜ್ಞಾನ ಮತ್ತು ಕೈಗಾರಿಕಾ ಸಂಶೋಧನಾ ಮಂಡಳಿ (ಸಿಎಸ್ಐಆರ್‌) ಮಾಜಿ ನಿರ್ದೇಶದ ಎ.ಡಿ.ದಾಮೋದರನ್ (87) ಅವರು ಶುಕ್ರವಾರ ನಿಧನರಾದರು.

ಇಲ್ಲಿನ ಅವರ ನಿವಾಸದಲ್ಲಿ ಪಾರ್ಥಿವ ಶರೀರವನ್ನು ಸಾರ್ವಜನಿಕರ ದರ್ಶನಕ್ಕೆ ಇಡಲಾಗುತ್ತದೆ. ಶನಿವಾರ ‘ಶಾಂತಿ ಕಾವದಂ’ನಲ್ಲಿ ಅಂತ್ಯಸಂಸ್ಕಾರ ನಡೆಯಲಿದೆ ಎಂದು ಕುಟುಂಬ ಮೂಲಗಳು ತಿಳಿಸಿವೆ. ಇವರಿಗೆ ಪತ್ನಿ ಇ.ಎಂ ಮಾಲತಿ, ಪುತ್ರ ಮತ್ತು ಪತ್ರಿ ಇದ್ದಾರೆ. ಮಾಲತಿ ಅವರು ಕೇರಳದ ಮೊದಲ ಮುಖ್ಯಮಂತ್ರಿ ಇ.ಎಂ.ಎಸ್‌.ನಂಬೂದರಿಪದ ಅವರ ಪುತ್ರಿ.

ದಾಮೋದರನ್ ಅವರ ನಿಧನಕ್ಕೆ ಕೇರಳ ಮುಖ್ಯಮಂತ್ರಿ ಪಿಣರಾಯಿ ವಿಜಯನ್‌ ಅವರು ಸಂತಾಪ ವ್ಯಕ್ತಪಡಿಸಿದ್ದಾರೆ.