ಪಶ್ಚಿಮ ಬಂಗಾಳ: 2 ಮತಗಟ್ಟೆಗಳಲ್ಲಿ ಮರು ಮತದಾನ

ಕೋಲ್ಕತ್ತ: ಪಶ್ಚಿಮ ಬಂಗಾಳದ ಬಾರಾಸತ್ ಮತ್ತು ಮಥುರಾಪುರ ಲೋಕಸಭೆ ಕ್ಷೇತ್ರಗಳ ತಲಾ ಒಂದೊಂದು ಮತಗಟ್ಟೆಗಳಲ್ಲಿ ಸೋಮವಾರ ಮರು ಮತದಾನ ನಡೆಯಿತು.

ಬಾರಾಸತ್ ಕ್ಷೇತ್ರ ವ್ಯಾಪ್ತಿಯ ದೇಗಂಗ ವಿಧಾನಸಭಾ ಕ್ಷೇತ್ರದ ಮತಗಟ್ಟೆ 61 ಹಾಗೂ ಮಥುರಾಪುರ ಕ್ಷೇತ್ರ ವ್ಯಾಪ್ತಿಯ ಕಾಕ್‌ದ್ವೀಪ್‌ ವಿಧಾನಸಭಾ ಕ್ಷೇತ್ರದ ಮತಗಟ್ಟೆ 26ರಲ್ಲಿ ಮರು ಮತದಾನ ನಡೆಯಿತು. ಮತದಾನ ಶಾಂತಿಯತವಾಗಿತ್ತು ಎಂದು ವರದಿ ತಿಳಿಸಿದೆ.  

ಜಿಲ್ಲಾ ಚುನಾವಣಾ ಅಧಿಕಾರಿಗಳು, ವೀಕ್ಷಕರ ವರದಿಯನ್ನು ಆಧರಿಸಿ ಇಲ್ಲಿ ಮರು ಮತದಾನ ನಡೆಸಲು ಆಯೋಗ ತೀರ್ಮಾನಿಸಿತ್ತು. ಜೂನ್‌ 1ರಂದು ಇಲ್ಲಿ ಮತದಾನ ನಡೆದಿತ್ತು.