ರಾಜ್ಯಸಭೆ ಪ್ರವೇಶಿಸಿದ ಕೊಂಕಣಿ!

ನವದೆಹಲಿ(ಪಿಟಿಐ): ರಾಜ್ಯಸಭೆಯ ಸದಸ್ಯರು ಇನ್ನು ಮುಂದೆ ಕೊಂಕಣಿ, ಡೋಗ್ರಿ, ಕಾಶ್ಮೀರಿ, ಸಂಥಾಲಿ ಮತ್ತು ಸಿಂಧಿಯಂತಹ ಪ್ರಾದೇಶಿಕ ಭಾಷೆಗಳಲ್ಲೂ ರಾಜ್ಯಸಭೆಯಲ್ಲಿ ಮಾತನಾಡಬಹುದು.

ಈ ಮೊದಲು ಕನ್ನಡ ಸೇರಿದಂತೆ 17 ಭಾರತೀಯ ಭಾಷೆಗಳಲ್ಲಿ ಮಾತನಾಡಲು ಮಾತ್ರ ರಾಜ್ಯಸಭಾ ಸದಸ್ಯರಿಗೆ ಅವಕಾಶವಿತ್ತು.

ಆ ಪಟ್ಟಿಗೆ ಇದೀಗ ಐದು ಭಾಷೆಗಳನ್ನು ಹೆಚ್ಚುವರಿಯಾಗಿ ಸೇರಿಸಲಾಗಿದೆ ಎಂದು ಸಭಾಪತಿ ಎಂ.ವೆಂಕಯ್ಯ ನಾಯ್ಡು ಬುಧವಾರ ತಿಳಿಸಿದರು.

ಇದರೊಂದಿಗೆ ರಾಜ್ಯಸಭೆಯಲ್ಲಿ 22 ಪ್ರಾದೇಶಿಕ ಭಾಷೆಯಲ್ಲಿ ಮಾತನಾಡಲು ಸದಸ್ಯರಿಗೆ ಅವಕಾಶ ದೊರೆತಂತಾಗಿದೆ.

ಆದರೆ, ಭಾಷಾಂತರಕಾರರ ನೇಮಕಕ್ಕೆ ಸದಸ್ಯರು ಮುಂಚಿತವಾಗಿ ರಾಜ್ಯಸಭಾ ಕಚೇರಿಗೆ ಮನವಿ ಸಲ್ಲಿಸಬೇಕಾಗುತ್ತದೆ.