ಸಂಭಲ್ ಮಸೀದಿ ವಿವಾದ: ಆಗಸ್ಟ್‌ 28ಕ್ಕೆ ವಿಚಾರಣೆ

ಸಂಭಲ್: ಶಾಹಿ ಜಾಮಾ ಮಸೀದಿ–ಹರಿಹರ ದೇವಾಲಯ ವಿವಾದದ ವಿಚಾರಣೆಯನ್ನು ಚಂದೌಸಿಯ ಕೋರ್ಟ್ ಆಗಸ್ಟ್ 28ಕ್ಕೆ ನಿಗದಿಪಡಿಸಿದೆ. ಸಿವಿಲ್ ನ್ಯಾಯಾಧೀಶ (ಹಿರಿಯ ವಿಭಾಗ) ಆದಿತ್ಯ ಸಿಂಗ್ ಅವರು ಪ್ರಕರಣದ ವಿಚಾರಣೆ ನಡೆಸಲಿದ್ದಾರೆ.

ಪ್ರಕರಣವು ಸುಪ್ರೀಂ ಕೋರ್ಟ್‌ನಲ್ಲಿ ಬಾಕಿ ಇರುವುದರಿಂದ ಪ್ರಸ್ತುತ ನ್ಯಾಯಾಲಯಕ್ಕೆ ವಿಚಾರಣೆ ನಡೆಸುವ ಅಧಿಕಾರ ಇಲ್ಲ ಎಂದು ಮಸೀದಿ ಪರವಾಗಿ ವಾದ ಮಾಡುತ್ತಿರುವ ವಕೀಲರು ಅರ್ಜಿ ಸಲ್ಲಿಸಿದ್ದಾರೆ ಎಂದು ಹಿಂದೂ ಅರ್ಜಿದಾರರ ಪರ ವಕೀಲ ಶ್ರೀ ಶ್ರೀ ಗೋಪಾಲ ಶರ್ಮಾ ಹೇಳಿದರು. ಆನಂತರ ವಿಚಾರಣೆಯನ್ನು ಆಗಸ್ಟ್ 28ಕ್ಕೆ ಮುಂದೂಡಲಾಯಿತು.