ಸಿಕ್ಕಿಂ: ಬಿಜೆಪಿ ಏಕಾಂಗಿ ಸ್ಪರ್ಧೆ

ಗ್ಯಾಂಗ್ಟಕ್: ಸಿಕ್ಕಿಂನ ಆಡಳಿತಾರೂಢ ‘ಸಿಕ್ಕಿಂ ಕ್ರಾಂತಿಕಾರಿ ಮೋರ್ಚಾ’ (ಎಸ್‌ಕೆಎಂ) ಜತೆಗಿನ ತನ್ನ
ಮೈತ್ರಿ ಅಂತ್ಯಗೊಂಡಿದೆ ಎಂದು ಘೋಷಿಸಿರುವ ಬಿಜೆಪಿ, ಲೋಕಸಭಾ ಮತ್ತು ವಿಧಾನಸಭಾ ಚುನಾವಣೆಯನ್ನು ಏಕಾಂಗಿಯಾಗಿ ಎದುರಿಸುವುದಾಗಿ ತಿಳಿಸಿದೆ.

ಎಸ್‌ಕೆಎಂ ಜತೆ ಸೀಟು ಹಂಚಿಕೆ ಬಗ್ಗೆ ದೆಹಲಿಯಲ್ಲಿ ಪಕ್ಷದ ವರಿಷ್ಠರೊಂದಿಗೆ ಚರ್ಚಿಸಿ ರಾಜ್ಯಕ್ಕೆ ಹಿಂದಿರುಗಿದ ಬಳಿಕ ಬಿಜೆಪಿ ಸಿಕ್ಕಿಂ ರಾಜ್ಯ ಘಟಕದ ಅಧ್ಯಕ್ಷ ಡಿ.ಆರ್.ಥಾಪಾ ಮೈತ್ರಿ ಅಂತ್ಯವಾಗಿರುವುದನ್ನು ಘೋಷಿಸಿದರು.

ರಂಗ್ಪೋನಲ್ಲಿ ಮಾತನಾಡಿದ ಥಾಪಾ, ‘ಮೈತ್ರಿಯ ವಿಸರ್ಜನೆಯು ರಾಜ್ಯದ ಜನರ ಸೇವೆ ಮಾಡುವ ಅತ್ಯುನ್ನತ ಅವಕಾಶವನ್ನು ಪಕ್ಷಕ್ಕೆ ಒದಗಿಸಿದೆ’ ಎಂದು ಹೇಳಿದರು.