ತಿರುಪತಿ: ಟೋಕನ್‌ ವಿತರಣೆ ಅವಧಿ ಬದಲು
ತಿರುಮಲ: ತಿರುಪತಿಯ ಅಲಿಪಿರಿ ಸಮೀಪದ ವಿಷ್ಣು ನಿವಾಸಂ ಮತ್ತು ಭೂದೇವಿ ಸಂಕೀರ್ಣದ ಕೌಂಟರ್‌ಗಳಲ್ಲಿ ನೀಡಲಾಗುತ್ತಿರುವ ಸರ್ವದರ್ಶನದ ಟೋಕನ್‌ಗಳ ಅವಧಿಯು ಇದೇ 21ರ ಸಂಜೆ 5 ಗಂಟೆಗೆ ಮುಕ್ತಾಯವಾಗಲಿದೆ ಎಂದು ತಿರುಮಲ
ತಿರುಪತಿ ದೇವಸ್ಥಾನಗಳ ಟ್ರಸ್ಟ್ (ಟಿಟಿಡಿ) ತಿಳಿಸಿದೆ.
ಡಿ. 22, 23 ಮತ್ತು 24ರ ದರ್ಶನದ ಟೋಕನ್‌ಗಳನ್ನು ಡಿ. 21 ಅಥವಾ ಅದಕ್ಕೂ ಮುನ್ನವೇ ನೀಡಲಾಗುತ್ತದೆ. ಈ ಬದಲಾವಣೆಯನ್ನು ಭಕ್ತರು ಗಮನಿಸಬೇಕು ಎಂದು ಎಂದು ಟಿಟಿಡಿ ಹೇಳಿದೆ.
ಕೋವಿಡ್‌ ನಿಯಾಮವಳಿಗಳನ್ನು ಅನುಸರಿಸಿ ಹಾಗೂ ಕಾನೂನು ಸುವ್ಯವಸ್ಥೆಯ ಸಮಸ್ಯೆಯನ್ನು ಗಮನದಲ್ಲಿರಿಸಿಕೊಂಡು ಈ ವರ್ಷ ವೈಕುಂಠ ದ್ವಾರ ದರ್ಶನದ ಟೋಕನ್‌ಗಳು ಸ್ಥಳೀಯ ಭಕ್ತರಿಗೆ ಮಾತ್ರ ಸೀಮಿತವಾಗಿರುತ್ತವೆ. ಸ್ಥಳೀಯರಲ್ಲದವರು ತಿರುಪತಿಯ ಐದು ಕೇಂದ್ರಗಳಲ್ಲಿ ಆಧಾರ್ ಕಾರ್ಡ್‌ ದಾಖಲೆ ಸಲ್ಲಿಸಿ ಎಸ್‌ಎಸ್‌ಡಿ ದರ್ಶನದ ಟೋಕನ್‌ಗಳನ್ನು ಪಡೆಯಬಹುದು ಎಂದು ಟಿಟಿಡಿ ಸಾರ್ವಜನಿಕಾಧಿಕಾರಿ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.