ಸುಹೇಲ್ ಸೇಥ್ ಕೈಬಿಟ್ಟ ಟಾಟಾ ಸನ್ಸ್

ನವದೆಹಲಿ: ಮೀ–ಟೂ ಆರೋಪ ಕೇಳಿಬಂದ ಕಾರಣ ಪ್ರಸಿದ್ಧ ಸಲಹೆಗಾರ ಸುಹೇಲ್ ಸೇಥ್ ಅವರ ಜೊತೆಗಿನ ಒಡನಾಟವನ್ನು ಟಾಟಾ ಸನ್ಸ್ ಕೊನೆಗೊಳಿಸಿದೆ.

ರೂಪದರ್ಶಿ ಡಯಾಂಡ್ರ ಸರೌಸ್, ಚಿತ್ರನಿರ್ಮಾಪಕಿ ನತಾಶಾ ರಾಥೋರ್ ಮತ್ತು ಬರಹಗಾರ್ತಿ ಇರಾ ತ್ರಿವೇದಿ ಮೊದಲಾದವರು ಸೇಥ್ ವಿರುದ್ಧ ಲೈಂಗಿಕ ದೌರ್ಜನ್ಯ ಆರೋಪ ಮಾಡಿದ್ದರು.

ಆರೋಪ ಕೇಳಿಬಂದ ತಕ್ಷಣದಿಂದಲೇ ಸೇಥ್ ಅವರ ಜೊತೆಗಿನ ಸಂಬಂಧ ಕಡಿತಗೊಳಿಸಿಕೊಂಡಿರುವುದಾಗಿ ಸಂಸ್ಥೆಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ. ಈ ಬಗ್ಗೆ ಪ್ರತಿಕ್ರಿಯೆಗೆ ಸೇಥ್ ಲಭ್ಯರಾಗಿಲ್ಲ.