ವಿಷ ಮದ್ಯ ಸೇವನೆ: ಅಸ್ಸಾಂನಲ್ಲಿ 80 ಮಂದಿ ಸಾವು

ಜೋರ್ಹಟ್: ಅಸ್ಸಾಂನ ಗೊಲಾಘಾಟ್ ಮತ್ತು ಜೋರ್ಹಟ್ ಜಿಲ್ಲೆಯಲ್ಲಿ ವಿಷ ಮದ್ಯ ಸೇವಿಸಿ 80ಮಂದಿ ಸಾವಿಗೀಡಾಗಿದ್ದು , 40 ಮಂದಿ ಅಸ್ವಸ್ಥರಾಗಿದ್ದಾರೆ.

ಗುರುವಾರ ರಾತ್ರಿ ವಿಷ ಮದ್ಯ ಸೇವಿಸಿ ಮೃತರಾದವರಲ್ಲಿ 25 ಮಂದಿ ಗೋಲಾಘಾಟ್ ಜಿಲ್ಲೆಯಲ್ಲಿ ಚಹಾ ತೋಟದಲ್ಲಿ ಕೆಲಸ ಮಾಡುವ ಕಾರ್ಮಿಕರಾಗಿದ್ದಾರೆ.ಇದರಲ್ಲಿ 15 ಮಂದಿ ಮಹಿಳೆಯರಿದ್ದಾರೆ.

ಜೋರ್ಹಟ್ ಜಿಲ್ಲೆಯ ತಿತಾಬೋರ್ ನಲ್ಲಿ 8 ಮಂದಿ ಹಾಗೂ ಗೋಲಾಘಾಟ್ ಜಿಲ್ಲೆಯ ಮೇರಪನಿ ಎಂಬಲ್ಲಿ ಇಬ್ಬರು ಸಾವಿಗೀಡಾಗಿದ್ದಾರೆ ಎಂದು ಸುದ್ದಿಮೂಲಗಳು ವರದಿ ಮಾಡಿವೆ.

ಈ ದುರಂತದ ಬಗ್ಗೆ ತನಿಖೆ ನಡೆಸುವಂತೆ ಅಸ್ಸಾಂ ಮುಖ್ಯಮಂತ್ರಿ ಸರ್ಬಾನಂದ ಸೋನೋವಾಲ್ ಆದೇಶಿಸಿದ್ದಾರೆ