ಕೋವಿಡ್‌: ಭಾರತದ ವಿಮಾನಗಳಿಗೆ ಕುವೈತ್‌ ನಿರ್ಬಂಧ

ದುಬೈ: ಭಾರತದಲ್ಲಿ ಕೊರೊನಾ ಸೋಂಕಿನ ಪ್ರಕರಣಗಳು ಹೆಚ್ಚುತ್ತಿರುವ ಹಿನ್ನೆಲೆಯಲ್ಲಿ ಸಂಯುಕ್ತ ಅರಬ್‌ ಒಕ್ಕೂಟ (ಯುಎಇ) ತನ್ನ ವಿಮಾನಯಾನ ಮಾರ್ಗಸೂಚಿಯನ್ನು ನವೀಕರಿಸಿದ್ದು, ಕುವೈತ್‌ ಸಹ ಭಾರತದ ಎಲ್ಲಾ ವಿಮಾನಗಳನ್ನು ನಿರ್ಬಂಧಿಸಿದೆ.

ಭಾರತದಿಂದ ನೇರವಾಗಿ ಅಥವಾ ಬೇರೆ ದೇಶಗಳ ಮೂಲಕ ಬರುವ ಎಲ್ಲಾ ವಿಮಾನಗಳನ್ನು ನಿರ್ಬಂಧಿಸಲಾಗಿದೆ ಎಂದು ಕುವೈತ್‌ನ ನಾಗರಿಕ ವಿಮಾನಯಾನ ನಿರ್ದೇಶನಾಲಯ ತಿಳಿಸಿದೆ. ಆದರೆ ಸರಕು ಸಾಗಣೆ ವಿಮಾನಗಳ ಹಾರಾಟ ಮುಂದುವರಿಯಲಿದೆ.

ಯುಎಇ ಮಾಡಿದ ನವೀಕೃತ ಮಾರ್ಗಸೂಚಿಯಂತೆ, ದುಬೈಯಿಂದ ಭಾರತಕ್ಕೆ ಪ್ರಯಾಣಿಕರನ್ನು ಕರೆದೊಯ್ಯುವ ಕಾರ್ಯ ನಡೆಯಲಿದ್ದು, ಭಾರತದಿಂದ ಪ್ರಯಾಣಿಕರನ್ನು ಕರೆತರುವುದಕ್ಕೆ ಮಾತ್ರ ಸಂಪೂರ್ಣ ನಿಷೇಧ ವಿಧಿಸಲಾಗಿದೆ. ಸರಕು ಸಾಗಣೆ ವಿಮಾನಗಳು ಎಂದಿನಂತೆ ಸಂಚಾರ ನಡೆಸಲಿವೆ.