ಕರ್ನಾಟಕ ಜತೆ ಗಡಿ ವಿವಾದ: ಪರಿಹಾರಕ್ಕೆ ಮುಂದಾದ ಉದ್ಧವ್‌ ಠಾಕ್ರೆ

ಮುಂಬೈ: ಕರ್ನಾಟಕದ ಜತೆಗೆ ದೀರ್ಘ ಕಾಲದಿಂದ ಬಾಕಿ ಉಳಿದಿರುವ ಗಡಿ ವಿವಾದ ಪರಿಹಾರಕ್ಕಾಗಿ ಮಹಾರಾಷ್ಟ್ರದ ಮಹಾ ವಿಕಾಸ ಆಘಾಡಿ ಸರ್ಕಾರವು ಶನಿವಾರ ಸಭೆ ನಡೆಸಿದೆ.

ಸುಪ‍್ರೀಂ ಕೋರ್ಟ್‌ನ ಹಿರಿಯ ವಕೀಲ ಹರೀಶ್‌ ಸಾಳ್ವೆ ಜತೆಗೆ ವಿವಾದದ ವಿಚಾರವನ್ನು ಚರ್ಚಿಸಲು ಮುಖ್ಯಮಂತ್ರಿ ಉದ್ಧವ್‌ ಠಾಕ್ರೆ ನಿರ್ಧರಿಸಿದ್ದಾರೆ. ಸಚಿವರಾದ ಛಗನ್‌ ಭುಜಬಳ ಮತ್ತು ಏಕನಾಥ ಶಿಂಧೆ ಇರುವ ಇಬ್ಬರ ಸಮಿತಿಯನ್ನು ವಿವಾದ ಪರಿಹಾರ ಪ್ರಯತ್ನದ ಸಮನ್ವಯಕ್ಕಾಗಿ ನೇಮಕ ಮಾಡಲಾಗಿದೆ. ಮಹಾರಾಷ್ಟ್ರ ಏಕೀಕರಣ ಸಮಿತಿಯ ಸಭೆಯನ್ನು ಅಧಿಕಾರ ವಹಿಸಿಕೊಂಡ ಬೆನ್ನಲ್ಲೇ ಉದ್ಧವ್‌ ನಡೆಸಿದ್ದರು. ಮರಾಠಿ ಮಾತನಾಡುವ ಎಲ್ಲ ಗ್ರಾಮಗಳು ರಾಜ್ಯಕ್ಕೆ ಸೇರುವಂತೆ ಮಾಡಲು ಪಕ್ಷಭೇದ ಮರೆತು ಎಲ್ಲರೂ ಜತೆಯಾಗಿ ಕೆಲಸ ಮಾಡಬೇಕು ಎಂದಿದ್ದಾರೆ.