ಪಂಜಾಬ್‌ಗೆ ಟಿಕೆಟ್ ಬುಕ್‌ ಮಾಡಿಸೋಣವೇ: ಪ್ರಿಯಾಂಕಾ ಕಾಲೆಳೆದ ಬಿಜೆಪಿ

ಲಖನೌ: ಉತ್ತರ ಪ್ರದೇಶಕ್ಕೆ ಭೇಟಿ ನೀಡುತ್ತಿರುವ ಕಾಂಗ್ರೆಸ್‌ ನಾಯಕಿ ಪ್ರಿಯಾಂಕಾ ಗಾಂಧಿ ಕಾಲೆಳೆದಿರುವ ಅಲ್ಲಿನ ಬಿಜೆಪಿ ಮುಖಂಡರು, ‘ನೀವು ಪಂಜಾಬ್‌ಗೆ ಭೇಟಿ ನೀಡಬೇಕಿತ್ತಲ್ಲವೇ? ಅಲ್ಲಿಗೆ ಟಿಕೆಟ್‌ ಬುಕ್‌ ಮಾಡಿಸೋಣವೇ?’ ಎಂದು ಕುಟುಕಿದ್ದಾರೆ.

ಪಂಜಾಬ್‌ ಕಾಂಗ್ರೆಸ್‌ನಲ್ಲಿ ಉಂಟಾಗಿರುವ ಬಿಕ್ಕಟ್ಟಿನಲ್ಲಿ ಹಿನ್ನೆಲೆಯಲ್ಲಿ, ಉತ್ತರ ಪ್ರದೇಶ ಬಿಜೆಪಿ ಘಟಕ ಟ್ವೀಟ್‌ ಮಾಡಿದ್ದು, ‘ಪ್ರಿಯಾಂಕಾ ವಾದ್ರಾ ಜೀ, ನೀವು ಉತ್ತರಪ್ರದೇಶಕ್ಕೆ ಬರಬೇಕಾದ ಹೊತ್ತು ಇದಲ್ಲ. ನೀವು ತಪ್ಪು ಸಮಯದಲ್ಲಿ ಬಂದಿದ್ದೀರಿ. ನೀವೀಗ ಪಂಜಾಬ್‌ನಲ್ಲಿ ಇರಬೇಕಿತ್ತು’ ಎಂದು ವ್ಯಂಗ್ಯವಾಡಿದೆ.

ಮುಂದಿನ ವರ್ಷ ನಡೆಯಲಿರುವ ಉತ್ತರ ಪ್ರದೇಶದ ವಿಧಾನಸಭಾ ಚುನಾವಣೆಗಾಗಿ, ಪಕ್ಷದ ಸಿದ್ಧತೆ ಬಗ್ಗೆ ಚರ್ಚಿಸಲು, ಪ್ರಿಯಾಂಕಾ ಗಾಂಧಿ ಸೋಮವಾರ ಲಖನೌಗೆ ಬಂದಿದ್ದಾರೆ.