ಒಂದೇ ಕುಟುಂಬದ ಮೂವರ ಸಾವು

ಯಾದಗಿರಿ: ಜಿಲ್ಲೆಯ ಕೋಡಲ ಗ್ರಾಮದಲ್ಲಿ ಮಗು ಸೇರಿದಂತೆ ಒಂದೇ ಕುಟುಂಬದ ಮೂವರು ಬುಧವಾರ ಮೃತಪಟ್ಟಿದ್ದಾರೆ. ಶಾಂತಮ್ಮ (45), ಇವರ ಕಿರಿಯ ಪುತ್ರಿ ಭಾಗ್ಯಮ್ಮ (18) ಮೊಮ್ಮಗ ಪ್ರದೀಪ್ (2) ಮೃತಪಟ್ಟವರು.

ಪ್ರದೀಪ್ ಅನಾರೋಗ್ಯಕ್ಕೆ ಒಳಗಾಗಿದ್ದರಿಂದ ಅಜ್ಜಿ ಶಾಂತಮ್ಮ ಅವರು ಇಲ್ಲಿನ ಆರೋಗ್ಯ ಉಪ ಕೇಂದ್ರದಲ್ಲಿ ಪ್ರಾಥಮಿಕ ಚಿಕಿತ್ಸೆ ಕೊಡಿಸಿದ್ದರು. ನಂತರ ಹೆಚ್ಚಿನ ಚಿಕಿತ್ಸೆಗಾಗಿ ಜಿಲ್ಲಾ ಆಸ್ಪತ್ರೆಗೆ ಕರೆತರುವಾಗ ಮಾರ್ಗ ಮಧ್ಯೆ ಮಗು ಮೃತಪಟ್ಟಿದೆ. ಇದರಿಂದ ಹೃದಯಾಘಾತಕ್ಕೆ ಒಳಗಾಗಿ ಶಾಂತಮ್ಮ ಮೃತಪಟ್ಟರೆ, ಇವರೊಂದಿಗೆ ಇದ್ದ ಪುತ್ರಿ ಭಾಗ್ಯಮ್ಮ ಅವರು ಕಡಿಮೆ ರಕ್ತದೊತ್ತಡದಿಂದ ಮೃತಪಟ್ಟಿದ್ದಾರೆ. ಮಗುವಿನ ಸಾವಿಗೆ ಕಾರಣ ಗೊತ್ತಾಗಿಲ್ಲ.