ಗೌಡರನ್ನು ಸಿಎಂ ಮಾಡಿದ್ದು ಲಿಂಗಾಯತರು

ನವದೆಹಲಿ: `ಸದಾನಂದಗೌಡ ಅವರನ್ನು ಮುಖ್ಯಮಂತ್ರಿ ಮಾಡಿದ್ದು ಲಿಂಗಾಯಿತರೇ ವಿನಾ ಒಕ್ಕಲಿಗರಲ್ಲ. ದೇವೇಗೌಡ ಅಥವಾ ಅವರ ಪುತ್ರ ಕುಮಾರಸ್ವಾಮಿಯೂ ಅಲ್ಲ. ಲಿಂಗಾಯತರು ಎಂದೂ ಜಾತಿವಾದ ಮಾಡಿಲ್ಲ~ ಎಂದು ಯಡಿಯೂರಪ್ಪ ಅವರಿಗೆ ನಿಷ್ಠರಾದ ಬೆಳಗಾವಿ ಲೋಕಸಭಾ ಸದಸ್ಯ ಸುರೇಶ್ ಅಂಗಡಿ ಆದಿಚುಂಚನಗಿರಿಯ ಬಾಲಗಂಗಾಧರ ಸ್ವಾಮೀಜಿ ಅವರಿಗೆ ತಿರುಗೇಟು ನೀಡಿದರು.

ಲಿಂಗಾಯತರು ಯಾವಾಗಲೂ ಜಾತ್ಯತೀತ ಮನೋಭಾವದವರು. ಸ್ವಾಮೀಜಿ ಹೇಳಿಕೆ ನೋವು ತಂದಿದೆ. ಸದಾನಂದಗೌಡರು ಮುಖ್ಯಮಂತ್ರಿ ಸ್ಥಾನವನ್ನು ಯಡಿಯೂರಪ್ಪ ಅವರಿಗೆ ಬಿಟ್ಟು ರಾಜಕೀಯ ಮೇಲ್ಪಂಕ್ತಿ ಹಾಕಬೇಕು ಎಂದು ಸುರೇಶ್ ಅಂಗಡಿ ಆಗ್ರಹಿಸಿದರು.