ಬುರ್ರಾಕಥಾ ಕಲಾವಿದೆ ಮಾರೆಮ್ಮ ಬಸಣ್ಣ ಶಿರವಾಟಿ ನಿಧನ

ಯಾದಗಿರಿ: ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕೃತ ಬುರ್ರಾಕಥಾ ಕಲಾವಿದೆ ಮಾರೆಮ್ಮ ಬಸಣ್ಣ ಶಿರವಾಟಿ ಮಂಗಳವಾರ ರಾತ್ರಿ ಯಾದಗಿರಿ ತಾಲ್ಲೂಕಿನ ಸೈದಾಪುರದಲ್ಲಿ ನಿಧನರಾದರು.

ಅಭಿಜಾತ ಕಲಾವಿದೆಯಾಗಿದ್ದ ಮಾರೆಮ್ಮ ಬುರ್ರಾ ಕಥಾ ಕಲೆಯನ್ನು ನಾಡಿನಾದ್ಯಂತ ಪಸರಿಸಿದ್ದರು. ಇವರ ಕಲೆಯನ್ನು ಗುರುತಿಸಿದ ರಾಜ್ಯ ಸರ್ಕಾರ 2015ರಲ್ಲಿ ರಾಜ್ಯೋತ್ಸವ ಪ್ರಶಸ್ತಿ ನೀಡಿ ಗೌರವಿಸಿತ್ತು.

ಬುಧವಾರ ಸಂಜೆ ಸೈದಾಪುರದ ರುದ್ರಭೂಮಿಯಲ್ಲಿ ಅಂತ್ಯಸಂಸ್ಕಾರ ನೆರವೇರಲಿದೆ.