ಮಳೆಗೆ ಅಪಾರ ಆಸ್ತಿ ಹಾನಿ

ದಾವಣಗೆರೆ: ಜಗಳೂರು ತಾಲ್ಲೂಕಿನಲ್ಲಿ ಗುರುವಾರ ರಾತ್ರಿ ಹೆಚ್ಚಿನ ಮಳೆ ಬಿದ್ದ ಪರಿಣಾಮ ಅಪಾರ ಪ್ರಮಾಣದ ಆಸ್ತಿ ಹಾನಿಯಾಗಿದೆ.

ತಾಲ್ಲೂಕಿನ ಬಿಳಿಚೋಡು, ಮುಕ್ಕಿದಹಳ್ಳಿ ಮತ್ತು ಬೆಂಚಿಕಟ್ಟೆ ಗ್ರಾಮಗಳಲ್ಲಿ 10ಕ್ಕೂ ಹೆಚ್ಚು ಬಾಳೆ ತೋಟಗಳು ನೆಲಕಚ್ಚಿವೆ. 20ಕ್ಕೂ ಅಧಿಕ ಮನೆಗಳು ಹಾಗೂ ವಿದ್ಯುತ್‌ಗಳು ಕುಸಿದು ಬಿದ್ದಿವೆ. ಅಂದಾಜು 45ಮೀ.ಮೀ ಮಳೆ ಆಗಿದೆ ಎಂದು ತಿಳಿದು ಬಂದಿದೆ.

ಸ್ಥಳಕ್ಕೆ ಭೇಟಿ ನೀಡಿದ ತಹಶೀಲ್ದಾರ್ ಎಚ್.ಪಿ. ನಾಗರಾಜ್ ನೇತೃತ್ವದ ತಂಡವು, ಸಂತ್ರಸ್ತರಿಗೆ ಸೂಕ್ತ ನೆರವು ನೀಡುವುದಾಗಿ ತಿಳಿಸಿದರು.