ಲಲಿತಾ ನಾಯಕ್‌ಗೆ ಅನುಪಮಾ ಪ್ರಶಸ್ತಿ

ಬೆಂಗಳೂರು: ಕರ್ನಾಟಕ ಲೇಖಕಿ­ಯರ ಸಂಘ ನೀಡುವ 2014ನೇ ಸಾಲಿನ ‘ಅನುಪಮಾ’ ಪ್ರಶಸ್ತಿಗೆ ಬಿ.ಟಿ. ಲಲಿತಾ ನಾಯಕ್‌ ಆಯ್ಕೆಯಾಗಿದ್ದಾರೆ.

ಪ್ರಶಸ್ತಿಯು ₨ 10 ಸಾವಿರ ನಗದು ಮತ್ತು ಸ್ಮರಣಿಕೆ ಒಳಗೊಂಡಿದೆ. 14ರಂದು ಬೆಂಗಳೂರಿನ ರವೀಂದ್ರ ಕಲಾ­ಕ್ಷೇತ್ರದಲ್ಲಿ ಪ್ರಶಸ್ತಿ ಪ್ರದಾನ ನಡೆಯಲಿದೆ ಎಂದು ಸಂಘದ ಅಧ್ಯಕ್ಷೆ ಡಾ. ವಸುಂಧರಾ ಭೂಪತಿ  ತಿಳಿಸಿದ್ದಾರೆ.

ಪ್ರಸಸ್ತಿ ಆಯ್ಕೆಗೆ ಪ್ರೊ.ಕೆ. ಮರುಳಸಿದ್ದಪ್ಪ, ಡಾ.ಬಿ.ಎನ್‌. ಸುಮಿತ್ರಾಬಾಯಿ ಮತ್ತು ಮೀನಾಕ್ಷಿ ಬಾಳಿ ಅವರ ಸಮಿತಿ ರಚಿಸಲಾಗಿತ್ತು.